فتوی نمبر : 34959
خانقاہ میں اعتکاف کرنے کاحکم

خانقاہ میں اعتکاف کرنے کاحکم

السلام علیکم ورحمۃ اللہ وبرکاتہ! خانقاہ میں عیدین کی نمازیں،5وقت نماز،اور جمعہ کی نماز ہوتی ہو،وہاں رمضان کا سنت اعتکاف ہو سکتا ہے ؟

الجوابُ حامِدا ًو مُصلیِّا ً

رمضان المبارک کے مسنون اعتکاف کے درست ہونے کے لئے ایسی مسجد کا ہونا لازمی ہے،جس میں پنج وقتہ نماز ہوتی ہو،اور اس میں امام و مؤذن مقرر ہوں،اس لئے خانقاہ میں مسنون اعتکاف درست نہیں،جس سے احتراز چاہیئے۔

مأخَذُ الفَتوی

كما في الدر المختار:( هو) لغة :اللبث وشرعا:(لبث) بفتح اللام وتضم المكث (ذكر) ولو مميزا في(مسجد جماعة)هو ماله إمام ومؤذن أديت فيه الخمس أولاوعن الإمام اشتراط أداء الخمس فيه اھ(440/2)
وفي الهندية:( وأما شروطه)(إلى قوله)ومنها مسجد الجماعة فيصح في كل مسجد له أذان وإقامة هو الصحيح كذا فى الخلاصة اھ (211/2) واللہ اعلم