فتوی نمبر : 40532
نکاح کے بعد رخصتی سے پہلے میاں بیوی کا میل جول رکھنا

نکاح کے بعد رخصتی سے پہلے میاں بیوی کا میل جول رکھنا

اگر لڑکی کا نکاح ہوگیا رخصتی نہ ہوئی ہو اور وہ لڑکی اپنے منگیتر سے چوری چپکے سے ملتی ہو اور ہمبستری بھی کرلی تو شریعت کے مطابق وہ گنہگار ہے کہ نہیں؟

الجوابُ حامِدا ًو مُصلیِّا ً

نکاح ہوجانے کے بعد لڑکے لڑکی کا ایک دوسرے کے ساتھ ملنا اگرچہ جائز ہے اور اس کی وجہ سے وہ گنہگار بھی نہیں ہوں گے مگر رخصتی سے قبل ملنے جلنے کو معیوب سمجھا جاتا ہے اور اگر اس کے نتیجے میں اولاد پیدا ہوجائے تو بلاوجہ تہمت اور خاص کر لڑکی اور اس کے والدین کیلئے بدنامی کا اندیشہ ہوتا ہے، اس لئے اس سے اجتناب کرنا چاہئے اور جلد از جلد رخصتی کا اہتمام کرنا چاہئے۔