فتوی نمبر : 633
عید کی نماز میں تکبیراتِ زوائد کا رہ جانا

عید کی نماز میں تکبیراتِ زوائد کا رہ جانا

اگر عید الفطر یا عید الأضحیٰ کی نماز میں پہلی رکعت میں نمازی امام کے ساتھ رکوع میں ملے ، تو اس کی ۳ تکبیراتِ زائد کا کیا ہوگا ، جو اس نے ضائع کی ہیں ، اپنے مذہب اور مسلک کی بارے میں ضرور بتا دیں۔

الجوابُ حامِدا ًو مُصلیِّا ً

عیدین کی نماز میں پہلی رکعت کے رکوع میں امام کے ساتھ شامل ہونے والے شخص کو چاہیۓ کہ تکبیرِ تحریمہ کہہ کر قیام کرے ، اب اگر یہ ممکن ہو کہ قیام کی حالت میں تین زائد تکبیرات کہنے کے بعد امام کے ساتھ رکوع میں شامل ہو سکے ، تو قیام کی حالت میں کانوں تک ہاتھ اُٹھاتے ہوۓ تین زائد تکبیرات کہہ لے ، ورنہ تکبیرِ تحریمہ کہنے کے بعد فوراً رکوع میں جاکر ، ہاتھ اٹھاۓ بغیر تکبیرات کہے ، خواہ تسبیحاتِ رکوع رہ کیوں نہ جائیں، اور اگر ان تکبیرات کے پورے ہونےسے قبل ہی امام رکوع سے سر اُٹھالے تو باقی تکبیرات اس صورت میں اس سے ساقط ہو جائیں گی ان کی ضرورت نہیں۔

مأخَذُ الفَتوی

فی الفتاوى الهندية : و لو انتهى رجل إلى الإمام في الركوع في العيدين فإنه يكبر للافتتاح قائما فإن أمكنه أن يأتي بالتكبيرات و يدرك الركوع فعل و يكبر على رأي نفسه و إن لم يمكنه ركع و اشتغل بالتكبيرات (إلی قوله) و لا يرفع يديه إذا أتى بتكبيرات العيد في الركوع ،كذا في الكافي، و لو رفع الإمام رأسه بعدما أدى بعض التكبيرات فإنه يرفع رأسه و يتابع الإمام و تسقط عنه التكبيرات الباقية ، كذا في السراج الوهاج. (1/ 151)۔