(+92) 0317 1118263

طلاق

بغیر نیت کے "آزاد ہو" کے لفظ سے طلاق کا حکم

فتوی نمبر :
70801
| تاریخ :
2024-02-09

بغیر نیت کے "آزاد ہو" کے لفظ سے طلاق کا حکم

السلام علیکم!
میرا طلاق سے متعلق ایک سوال ہے، میں نے غصے میں اپنی بیوی سے نیچے دیے گئےالفاظ کہہ دیے ، اسے طلاق دینے کا بالکل بھی ارادہ نہیں تھا، اس وقت طلاق کی کوئی بحث بھی نہیں تھی، اور نہ ہی اس نے طلاق کا مطالبہ کیا، وہ پر سکون تھی، لیکن میں اس وقت غصے میں تھا، میرا مقصد صرف اسے ڈرانا تھا، اور میں نے پوری طرح سوچا کہ ان الفاظ سے طلاق نہیں ہوگی، اسی لئے میں نے لفظ "آزاد , میں اپنے ہوش حواس میں تمہیں آزاد کرتاہوں" استعمال کیے ہیں، اور اس بات کا یقین نہیں کہ میں نے دوسری مرتبہ مذکورہ بالاجملہ دہرایا ہے یا صرف یہی ایک مرتبہ"آزاد کرتاہوں"کہا ہے، براہ کرم رہنمائی فرمائیں کہ کیا ان الفاظ سے طلاق واقع ہوجاتی ہے، جبکہ طلاق کے لئے بالکل بھی ارادہ نہیں تھا؟شکریہ۔

الجوابُ حامِدا ًو مُصلیِّا ً

واضح ہوکہ ہمارے عرف میں لفظ"آزاد"طلاق کے معنی میں صریح ہے، اور اس سے بغیر نیت و ارادہ کے طلاق واقع ہوجاتی ہے، لہذا سائل نے جب اپنی مدخول بہا بیوی کو مذکور الفاظ"میں اپنے ہوش وحواس میں تمہیں آزاد کرتا ہوں" یا "آزاد کرتا ہوں"دوبار کہہ دیے ، تو اس سے سائل کی بیوی پر دوطلاق رجعی واقع ہوچکی ہیں، چنانچہ اگر سائل دوران عدت زبانی طور پر رجوع کرلے یا میاں بیوی والا تعلق قائم کرلے، تو یہ نکاح حسب سابق برقرار رہے گا، بصورتِ دیگر شوہر کے رجوع نہ کرنے کی صورت میں ایام عدت گزر جانے پر نکاح ختم ہوجائے گا، اور عورت دوسری جگہ نکاح کرنے میں آزاد ہوگی،تاہم گر دوبارہ ایک ساتھ میاں بیوی کی حیثیت سے رہنا ہو، تو باہمی رضامندی سے شرعی گواہان کی موجود گی میں نئے حق مہر کے تقرر کےساتھ ایجاب و قبول کرنے کے بعد ساتھ رہ سکتے ہیں، بہر دو صورت آئندہ کیلئے شوہر کو فقط ایک (1) طلاق کا اختیار ہوگا، اس لئے طلاق کے معاملہ میں خوب احتیاط لازم ہے۔

مأخَذُ الفَتوی

کما فی ردالمحتار: تحت (قولہ: فیقع بلانیۃ للعرف) ای فیکون صریحا لاکنایۃ بدلیل عدم اشتراط النیۃ وان کان الواقع فی لفظ الحرام البائن لان الصریح قدیقع بہ البائن کمامر الخ (ج3 صـ252 کتاب الطلاق ط: سعید)۔
وفی الھندیۃ: والاصل الذی علیہ الفتوی فی زماننا ھذا فی الطلاق بالفارسیۃ انہ اذاکان فیھا لفظ لایستعمل الا فی الطلاق فذلک اللفظ صریح یقع بہ الطلاق من غیر نیۃ اذا اضیف الی المرأۃ الخ (ج1 صـ379 کتاب الطلاق الفصل السابع عشر فی الطلاق ط: ماجدیۃ)۔
وفیھا ایضاً: واذا طلق الرجل امراتہ تطلیقۃ رجعیۃ او تطلیقتین فلہ ان یراجعھا فی عدتھا رضیت بذلک او لم ترض کذا فی الھدایۃ الخ (ج1صـ470 کتاب الطلاق ط: ماجدیۃ)۔
وفیھا ایضاً: ان یراجعھا بالقول ویشھد علی رجعتھا شاھدین ویعلمھا بذلک فاذا راجعھا بالقول نحو ان یقول لھا رجعتک اور راجعت امراتی ولم یشھد علی ذلک او اشھد ولم یعلمھا بذلک فھو بدعی مخالف للسنۃ والرجعۃ صحیحۃ وان یراجعھا بالفعل مثل ان یطأھا او یقبلھا بشھوۃ او ینظر الی فرجھا بشھوۃ فانہ یصیر مراجعا عندنا الخ (ج1 صـ467 کتاب الطلاق ط: ماجدیۃ)۔

واللہ تعالی اعلم بالصواب
عبدالحنان رمضان عُفی عنه
دار الافتاء جامعه بنوریه عالمیه
فتوی نمبر 70801کی تصدیق کریں
0     44
متعلقه فتاوی
( view all )
تحریر کردہ طلاق نامہ کے ذریعہ طلاق کا حکم 10592 2115 بیوی کو حرام زادی کہنے سے نکاح متاثرہوگا؟ 41387 924 ایک کاغذپر تین طلاق لکھ کر دینے سے کتنی طلاقیں واقع ہوں گی؟ 25910 1629 تم میری بہن کی طرح ہو کہنے سے بیوی پر طلاق واقع ہوگی؟ 33249 2171 کیادل میں طلاق دینے سے طلاق ہوجاتی ہے؟ 39341 1067 پچپن میں نکاح کے بعد بالغ ہونے پر لڑکا پاگل ہوگیا طلاق کیسے ہوگی؟ 21747 737 طلاق نامہ پر دستخط کرنے سے طلاق واقع ہوجاتی ہے؟ 57411 2133 اسلام قبول کرنے کے بعد عیسائی شوہرسے نکاح خودبخودختم ہوجاتاہے؟ 33757 1093 حمل کی حالت میں طلاق دینے کا حکم 57895 414 بیوی کی غیر موجودگی میں, سسر کو تین بار کہہ دینا کہ" میں نے تیری بیٹی کو طلاق دیدی " 57261 262 "میں تم کو طلاق دیتا ہوں "بیوی کو غصہ میں تین دفعہ بول دینا 57254 513 واٹس اپ کی ریکارڈنگ کے ذریعے طلاق 41326 760 موبائل پر طلاق دینے کا حکم 51159 385 بیوی کو ڈرانے کے لیے الفاظ طلاق بولنا 57292 1101 لفظِ " فارغ "سے طلاق واقع ہونے کا حکم 51146 2162 بیوی کو طلاق کا مسئلہ سمجھاتے ہوئے الفاظ طلاق کہنے کا حکم 58002 1386 گھر والوں کی دباؤ میں آکر طلاق نامہ پر دستخط کرنے سے طلاق کا حکم 51330 1691 تمہیں چھوڑتا ہوں کہنے سے طلاق کا حکم 58029 1309 وقوع طلاق کے لیے گواہ شرط ہے؟ 51438 1076 قسم کھائی میں ساری زندگی تم سے قربت نہیں کرونگا 31462 809 چھوڑدیا کنایہ ہے یا صریح؟ 51325 785 طلاق کی دھمکی سے نکاح کا حکم 13532 823 کورٹ کی طرف سے شوہر کو طلاق کےایک لیٹر کا حکم 60317 547 بیوی کی جانب سے علیحدگی کی خواہش اور اس کا طریقہ کار 60319 601 بدعقیدہ و بدکردار شوہر سے طلاق یا خلع لینا 60185 468