(+92) 0317 1118263

مصارف زکوۃ و صدقات

پھوپھی کو زکوۃ دینا

فتوی نمبر :
71620
| تاریخ :
2024-03-11

پھوپھی کو زکوۃ دینا

میری پھوپھی اور ساس کا اپنا گھر ہے، دو شادی شدہ بیٹیاں اور ایک غیر شادی شدہ بیٹی اور ایک بیٹا، جو زیر تعلیم ہے، اس کے پاس تقریباً 40 گرام کے زیورات ہیں جو اس نے اپنے بیٹے کی شادی کے لئے رکھے ہیں۔ اس کا شوہر وفات پاچکا ہے اور وہ اپنے شوہر کی پنشن پر گزارہ کر رہی ہیں۔ اس پر تقریباً 3 لاکھ کا قرض واجب الادا ہے۔ کیا میں اسے زکوٰۃ دے سکتا ہوں؟

الجوابُ حامِدا ًو مُصلیِّا ً

سائل کی پھوپھی کے پاس مذکور چالیس گرام سونے کے ساتھ ساتھ روز مرہ اخراجات کے علاوہ کوئی کیش رقم موجود ہو چاہے معمولی مقدار میں ہی کیوں نہ ہو ، تو مذکور سونے کی مارکیٹ ویلیو اور موجود نقدی کی مجموعی مالیت سے تین لاکھ کا قرض منہا کرنے کے بعد بقیہ رقم اگر ساڑھے باون تولہ چاندی کی مالیت کے بقدر بچ جاتی ہو ، تو ایسی صورت میں سائل کی پھوپھی مستحق نہیں ، بلکہ صاحبِ نصاب ہے ، لہٰذا سائل کے لئے اسے زکوٰۃ کی رقم دینا درست نہ ہوگا ، تاہم سائل کی پھوپھی کے پاس اگر مذکور سونے کے علاوہ ضرورت سے زائد رقم کچھ بھی نہ ہو ، یا نقدی تو ہو مگر قرض کی رقم منہا کرنے کے بعد سونے و نقدی کی مجموعی مالیت ساڑھے باون تولہ چاندی کی مالیت کے بقدر نہ ہو ، تو سائل کے لئے اپنی مذکور پھوپھی کے ساتھ زکوٰۃ کی مد میں معاونت کرنا بلاشبہ جائز اور درست ہوگا ۔

مأخَذُ الفَتوی

کما فی الدر المختار : باب المصرف أي مصرف الزكاة ( إلی قولہ ) (هو فقير، وهو من له أدنى شيء ) أي دون نصاب أو قدر نصاب غير نام مستغرق في الحاجة. الخ۔ (کتاب الزکوۃ ، باب المصرف ، ج۲ ، ص۳۳۹ ، ط۔سعید )۔
و فی بدائع الصنائع : ويجوز دفع الزكاة إلى من سوى الوالدين والمولودين من الأقارب ومن الإخوة والأخوات الخ۔ ( کتاب الزکوۃ ، ج۲ ، ص۵۰ ، ط۔سعید )۔

واللہ تعالی اعلم بالصواب
محمد صدیق سردار عُفی عنه
دار الافتاء جامعه بنوریه عالمیه
فتوی نمبر 71620کی تصدیق کریں
0     16
متعلقه فتاوی
( view all )
عباسی خاندان کو زکوۃ دینے کاحکم 40370 609 قطب شاہی اعوان کو زکوۃ دیناجائز ہے؟ 40496 795 ہسپتال کے سامان وغیرہ لینے کے لئے زکوۃ دینا 41423 954 امام یا موذن کو زکوۃ دینا 41056 631 مدرسہ کی تعمیروغیرہ میں زکوۃ کی رقم خرچ کی جاسکتی ہے؟ 39460 655 مقروض بھائی کو زکوۃ دینا 45319 486 زکوۃ کی تملیک کا شرعی طریقہ 48674 845 زکوۃ کی رقم سے رفاہ عام جیسے ہسپتال وغیرہ بنوانا 28125 550 زکوٰۃ کے مستحق کا اندازہ کیسے لگایا جائے؟ 37978 615 کیانانی کو زکوۃ دیناجائز ہے؟ 39581 362 بہوکو زکوۃ کی مدمیں اے سی دینا 40365 1119 اپنے استاد کو صدقہ خیرات دینا 25533 656 مستحق شخص کو نصاب سے زیادہ زکوۃ دینے کا حکم 13527 529 اعضاء کی پیوند کاری کروانے کیلئے زکوۃ لینا 45050 429 زکوۃ اور چرم قربانی وغیرہ سے ویلفیئر چلانا 22736 496 استاد یا ملازم کو زکوۃ کی رقم سے تنخواہ دینا 51271 1418 بہن بھائیوں کو زکوٰۃ صدقات دینا 10724 802 غریب اور کچی آبادی کے اسکول میں یتیم بچوں کے لئے زکوۃ 28635 423 کیا گھر کے ملازمین کو زکوۃ دینا منع ہے 13563 623 13531 530 یہ کہدینا کہ ’’میں اپنی تنخواہ میں سے سات فیصد اللہ کے راستے میں دیا کروں گا ‘‘ 60238 350 امام مسجد کو زکوٰۃ کی رقم سے کمرہ تعمیر کرکے دینا 70862 263 بھانجی کو زکوٰۃ دینے کا حکم 71215 166 زکوٰۃ کی رقم کا بہترین مصرف کیا ہے؟ 71172 144 مدرسہ کیلئے زکوۃ وغیرہ کی رقم لینا 67399 190