’’میں علم کا شہر ہوں، ابوبکر اس کی بنیاد ہیں الخ‘‘ حدیث کی تحقیق

میں یہ جاننا چاہتاہوں کہ درج ذیل میسج مجھے موبائل پہ موصول ہوا اور انٹرنیٹ پر بھی یہ لوگوں نے ایک دوسرے کو بھیجا، آیا یہ صحیح ہے یا نہیں؟
حضرت محمدﷺ نے فرمایا میں علم کا شہر ہوں: (۱) ابوبکرؓ اس شہر کی بنیاد ہیں (۲) عمرؓ اس شہر کی دیوار ہیں (۳) عثمانؓ اس شہر کی چھت ہیں (۴) علیؓ اس شہر کا دروازہ ہیں۔(صحیح البخاری، نزہۃ المجالس جلد:۲ صفحہ: ۲۱۴)۔
یہ مکمل حدیث ہے کچھ لوگ اس کا آخری حصہ بیان کرتے ہیں، براہِ مہربانی یہ حدیث سب کو بتائیں۔

الجوابُ حامِدا ًو مُصلیِّا ً

سوال میں مذکور حدیث بخاری شریف میں نہیں اور نہ ہی بخاری میں یہ حدیث ہے کہ میں علم کا شہر ہوں اور حضرت علیؓ اس کا دروازہ ہیں، البتہ دیگر کتبِ حدیث میں اس قسم کے الفاظ ومضمون موجود ہیں، مگر محدّثین نے ان دونوں پر کلام فرمایا اور الفاظ کو رکیک قرار دینے کے علاوہ نفس حدیث کو بھی سنداً ضعیف، بلکہ بعض نے موضوع قرار دیا ہے، اگرچہ میسج والی پوری حدیث بیان کرنا مذکور ناقص جملہ بیان کرنے سے زیادہ بہتر ہے۔

مأخَذُ الفَتوی

ففي مرقاة المفاتیح: وفي خبر الفردوس: ٲنا مدینة العلم وٲبو بکر ٲساسھا، وعمر حیطانھا، وعثمان سقفھا، وعلي بابھا اھ (۱۰/۴۷۰)۔
وفي مرقاة المفاتيح شرح مشكاة المصابيح: ثم أعلم أن حديث أنا مدينة العلم وعلي بابها رواه الحاكم في المناقب من مستدركه من حديث ابن عباس وقال صحيح وتعقبه الذهبي فقال بل هو موضوع وقال أبو زرعة كم خلق افتضحوا فيه وقال يحيى بن معين لا أصل له كذا قال أبو حاتم ويحيى بن سعيد وقال الدارقطني ثابت ورواه الترمذي في المناقب من جامعه وقال إنه منكر وكذا قال البخاري إنه ليس له وجه صحيح وأورده ابن الجوزي في الموضوعات وقال ابن دقيق العيد هذا الحديث لم يثبتوه وقيل إنه باطل لكن قال الحافظ أبو سعيد العلائي الصواب أنه حسن باعتبار طرقه لا صحيح ولا ضعيف فضلا عن أن يكون موضوعا ذكره الزركشي وسئل الحافظ العسقلاني عنه فقال إنه حسن لا صحيح كما قال الحاكم ولا موضوع كما قال ابن الجوزي قال السيوطي وقد بسطت كلام العلائي والعسقلاني في التعقبات التي على الموضوعات اه (17/ 419)ـــــــــــــــــ واللہ أعلم بالصواب!