حیض و نفاس کیا ہے ؟ ان کی مدت کتنی ہے اور ان سے متعلق مسائل

میرا سوال یہ ہے کہ حیض و نفاس کیا ہے ؟ ان کی مدت کتنی ہے اور ان سے متعلق مسائل و قوانین کیا ہیں؟

الجوابُ حامِدا ًو مُصلیِّا ً

عورت کے بالغ ہونے کے بعد اُسے ہر مہینہ میں آگے کی راہ سے جو خون آتا ہے ، اس کو حیض اور بچے کی پیدائش کے بعد عورت کو جو خون آتا ہے ، اُسے نفاس کہتے ہیں۔ جبکہ حیض کی کم سے کم مدت تین دن تین رات اور زیادہ سے زیادہ دس دن دس رات ہے اور نفاس کی زیادہ سے زیادہ مدت چالیس دن ہیں اور اس سے کم کی کوئی حد نہیں، ان ایّام میں عورت کا نماز پڑھنا، روزہ رکھنا ، شوہر کے ساتھ صحبت و ہمبستری کرنا، کعبہ شریف کا طواف کرنا ، اور قرآن پاک پڑھنا یا اُسے چھونا وغیرہ جائز نہیں، ان سب امور سے احتراز لازم ہے ، جبکہ ان کے تفصیلی احکام کے لیے بہشتی زیور ، اورتعلیم الاسلام وغیرہ اُردو کتب کا مطالعہ کیا جا سکتا ہے۔

مأخَذُ الفَتوی

ففي البناية شرح الهداية: وقال الفضلي: هو دم ينفضه رحم المرأة السليمة من الداء والصغر اھ (1/ 621)
وفی الهداية: " النفاس هو الدم الخارج عقيب الولادة " اھ (1/ 35)
وفی الهداية: " أقل الحيض ثلاثة ايام ولياليها وما نقص من ذلك فهو استحاضة (إلی قوله) وأكثره عشرة أيام ولياليها والزائد استحاضة (إلی قوله) والحيض يسقط عن الحائض الصلاة ويحرم عليها الصوم وتقضي الصوم ولا تقضي الصلاة (إلی قوله) ولا تدخل المسجد " (إلی قوله) ولا تطوف بالبيت (إلی قوله) ولا يأتيها زوجها " لقوله تعالى: {وَلا تَقْرَبُوهُنَّ حَتَّى يَطْهُرْنَ} [البقرة: 222] " وليس للحائض والجنب والنفساء قراءة القرآن " لقوله صلى الله عليه وسلم " لا تقرأ الحائض والجنب شيئا من القرآن " (إلی قوله) وليس لهم مس المصحف إلا بغلافه اھ (1/ 32)