کاہن کی تعریف اور ریکی کے ذریعہ طریعہ علاج کا حکم

السلام علیکم!
جناب جادو کو تو ہم جانتے ہیں لیکن یہ کہانت کیا ہے؟ کیا کسی شخص کا یہ کہنا کہ وہ ریکی طریقہ کا ماہر ہے، اور اس کے ذریعہ سے وہ دوسروں کے معاملات جان سکتا ہے کہ دوسرا شخص جادو کر رہا ہے یا نہیں، اس کے حواری اس سے مختلف معاملات کے بارے میں پوچھتے ہیں کہ ذرا مجھے چیک کرکے بتائیں کہ فلاں بات صحیح ہے یا نہیں؟ تو وہ کسی آلہ کے ذریعہ یا ایسے ہی اپنے طور سے بتائے کہ میں نے چیک کیا ہے، اور فلاں بات غلط ہے تو پوچھنے والا اس کی بات کو ایسے مانے کہ جیسے اس پر نعوذ باللہ کوئی الہام ہواہو، کیا اس طرح بغیر تحقیق کے کسی کا باتوں کو جان لینے کا دعوی کرنا اور دوسروں کا اس پر ایمان لانے کی طرح یقین کرلینا صحیح ہے؟ کیا یہ کہانت میں شامل ہے یا نہیں؟ آپ کو اللہ جزائے خیر عطاء فرمائے۔

الجوابُ حامِدا ًو مُصلیِّا ً

کاہن اس شخص کو کہا جاتا ہے کہ جو مستقبل میں رونما ہونے والے واقعات کے متعلق معلومات رکھنے اور رموز واسرار کو جاننے کا دعویدار ہو اس طرح جوشخص بغیر کسی ظاہری سبب کے لوگوں کے حالات جاننے کا مدعی ہو، وہ بھی اس کاہن کی تعریف میں داخل ہے، ایسے شخص کے پاس جانا اور اسکی باتوں پر وحی والہام کی طرح یقین کرنا ناجائز اور حرام ہے، اس لئے اس سے احتراز لازم ہے، تاہم ریکی کا طریقہ علاج اگرئی جانتا ہواور غیر اللہ سے استعانت اور مدد نہ مانگی جاتی ہو، تو اس طریقہ کے مطابق علاج کرنے میں چونکہ شریعت کے خلاف کوئی بات نہیں پائی جارہی ہے، اس لئے اس طریقہ علاج میں شرعاً کوئی حرج نہیں، مگر اس کیساتھ غیب کی باتوں کا مدعی ہونا صحیح نہیں، اس سے اجتناب لازم ہے۔

مأخَذُ الفَتوی

کما فی بذل المجھود: عن عوف بن مالک رضی اللہ عنہ قال: کنا نرقی فی الجاھلیۃ فقلنا یارسول اللہ کیف تری فی ذالک فقال: اعرضوا علی رقاکم، لاباس بالرقی مالم تکن شرکا الخ (ج6 صـ8 )۔
وفی الشامیۃ: إنما تكره العوذة إذا كانت بغير لسان العرب، ولا يدرى ما هو ولعله يدخله سحر أو كفر أو غير ذلك الخ (ج6 صـ363 کتاب الحظر والاباحۃ ط: دار الفکر)۔