طلاق کے پیپربھیجنے کے بعدرجوع کے حکم میں تفصیل

مولانا صاحب ! میں ایک مسئلہ پر آپ فتو ی ورہنمائی لینا چاہ رہاہوں، مارچ 2019 میں راشد پرویز ولد عمردين نے میری بہن عابدہ پروین کو پیپرز بھیجے تھے , اٹیچمنٹ کی سہولت نہ ہونے کی وجہ سے میں آپ کے ساتھ شیر نہیں کر سکا , ان کے ہاں دو لڑکیاں اور ایک لڑکا ہے , لڑکیاں والد کے پاس ہیں اور لڑکا والدہ کے پاس ہے , اب راشد پرویز اپنے کیے پر شرمندہ ہے اور وہ عابدہ پروین کو اپنے ساتھ رکھنا چاہتا ہے اور لڑکی کی بھی يہ ہی خواہش ہے کہ اگر کوئی گنجائش ہے تو وہ راشد پرویز کے ساتھ رہنے پر راضی ہے , آپ اس معاملہ پر رہنمائی فرمائیں -

الجوابُ حامِدا ًو مُصلیِّا ً

سائل نے سوال میں یہ ذکر نہیں کیا کہ راشد پرویز نے اس کی بہن کو جو پیپر بھیجے تھے اس میں کتنی طلاقوں کا ذکر تھا، اور اس میں طلاق کے کیا الفاظ ذکر کیے گئے تھے تاکہ اسکے مطابق جواب دیا جاتا، تاہم اگر سائل کے بہنوئی نے صریح الفاظ میں ایک یا دوطلاقیں درج کی تھیں تو اس سے اسکی بیوی پر ایک طلاق یا دو طلاقیں واقع ہو چکی تھیں ، جسکے بعد اسے دورانِ عدت رجوع کا حق حاصل تھا، اگر دورانِ عدت رجوع کر لیا تھا تو دونوں کا میاں بیوی کی طرح زندگی بسر کرنا بھی درست ہو گا ، جبکہ عدت گزرنے کے بعد ایک ساتھ رہنے کے لئے گواہوں کی موجودگی میں نئے حق مہر کے تقرر کیسا تھ تجدیدِ نکاح لازم ہو گا، لیکن اگر اس پیپر میں تین طلاقیں درج تھیں تو اس سے سائل کی بہن پر حرمتِ مغلظہ ثابت ہو چکی ہے ، جسکے بعد رجوع نہیں ہو سکتا ، اور نہ ہی حلالۂ شریعہ کے بغیر دوبارہ با ہم عقد ِنکاح ہو سکتا ہے ، جبکہ سائل کی بہن عدت گزارنے کے بعد کسی دوسری جگہ نکاح کرنے میں بھی آزاد ہو گی۔

مأخَذُ الفَتوی

کمافی الھندیة: ولو قال لها أنت طالق طالق أو أنت طالق أنت طالق أو قال قد طلقتك قد طلقتك أو قال أنت طالق وقد طلقتك تقع ثنتان إذا كانت المرأة مدخولا بها اھ(3/355)-
وفی التاتارخانیة: فی الظھیریة:ومتی کررلفظ الطلاق بحرف الواو او بغیر حرف الواو یتعدد وان عنی بالثانی الاول لم یصدق فی القضاء کقوله یامطلقه انت طالق ۔۔۔وفی الحاوی :ولو قال ترا یک طلاق یک طلاق ! بغیر العطف وھی مدخول بھا تقع ثلاث تطلیقات اھ(4/427)-
وفی الھندیة: وإن كان الطلاق ثلاثا في الحرة وثنتين في الأمة لم تحل له حتى تنكح زوجا غيره نكاحا صحيحا ويدخل بها ثم يطلقها أو يموت عنها كذا في الهداية ولا فرق في ذلك بين كون المطلقة مدخولا بها أو غير مدخول بها كذا في فتح القدير.اھ(1/473)-