ناپاکی کے ایام میں خواتین ، دستانے پہن کر قرآن مجید کو چھو سکتی ہیں ؟

میری بیوی دو سالہ کورس کے قرآن سیکھنے کی طالبہ ہے دورانِ حیض وہ مندرجہ ذیل مسائل کے بارے میں پریشان ہوجاتی ہے: (۱) کیا وہ قرآنِ پاک کو سبق پڑھنے کیلئے لے سکتی ہے دستانوں کے ساتھ یا اس کے بغیر اس کی استانی اور دوسرے طالبات اس دوران دستانے استعمال کرتی ہیں۔
(۲) اگر ہاں تو اس کو قرآن پاک کیسے اٹھانا چاہئے تلاوت کیلئے یا سبق کو یاد کرنے کیلئے؟
(۳) اگر تین دن کے بعد خون رُک جائے تو اس کو نمازیں کیسی شروع کرنی چاہئے؟ یا تمام دنوں کا انتظار کرلے؟
اوپر کے متعلق حیض کا دورانیہ کتنے ایام ہوگا۔ شکریہ!

الجوابُ حامِدا ًو مُصلیِّا ً

حیض کی کم از کم مدت تین یوم اور زیادہ سے زیادہ دس یوم ہے اس دوران قرآنِ کریم کا دستانے پہن کر چھونا بھی جائز نہیں البتہ بوقتِ ضرورت قرآن مجیدکو ایسے کپڑے کے ساتھ چھو سکتی ہے جو اس نے پہنا نہ ہواسی طرح دورانِ درس اگر وہ ایسی تفسیر کی کتاب استعمال کرے جس میں قرآنی آیات کی بنسبت تفسیر زیادہ ہوتو اس کا چھونا اور مطالعہ میں رکھنا بغیر کسی حائل کے بھی جائز ہوگا مگر اس دوران زبان سے قرآنی آیات پڑھنے اور جہاں قرآنی آیات لکھی ہو اس کے چھونے سے اجتناب چاہئے۔

مأخَذُ الفَتوی

کما فی التاتارخانیة: ومنھا ان لا تمس المصحف ولا الدرھم المکتوب علیہ آیة تامة من القران. (ج۱، ص۳۳۲)
وفی الھندیة: (ومنھا) حرمة قرأة القران لا تقرأ الحائض والنفساء والجنب شیئًا من القران والاٰیة وما دونھا سواء فی التحریم علی الاصح. الخ (ج۱، ص۳۸)
وفی الشامیة: (قولہ ولو قیل بہ) أی بھذا التفصیل، بأن یقال إن کان التفسیر أکثر لا یکرہ وإن کان القراٰن أکثر یکرہ.الخ (ج۱، ص۱۷۷) واللہ سبحانہ وتعالٰی اعلم