مرتد ہونے کی وجہ سے تمام اعمال ضائع ہوجاتے ہیں ؟

کیا فرماتے ہیں علماءِ کرام و مفتیانِ عظام اس مسئلہ کے بارے میں کہ اگر کوئی شخص مرتد ہوجائے تو کیا اس کی پچھلی جو نیکیاں ہونگی وہ سب ختم ہو جائیں گی؟
۲۔ اگر کسی مرتد شخص کو اللہ کی طرف سے اس کو ہدایت ملتی ہے اور وہ شخص دوبارہ اسلام قبول کر لیتا ہے تو کیا اس کے پچھلے گناہ (جب وہ مسلمان تھا جیسے نیکیاں ختم ہو جاتی ہیں اس طرح سب معاف ہو جائیں گے جیسے نومسلم کے ہو جاتے ہیں؟

الجوابُ حامِدا ًو مُصلیِّا ً

۱۔ جی ہاں! جو شخص مرتد ہو جائے تو تمام اعمال حبط (ضائع) ہو جاتے ہیں۔
۲۔ اسی طرح جو شخص ارتداد سے توبہ کر کے دوبارہ اسلام قبول کر لے تو حالتِ ارتداد کے جتنے گناہ ہیں وہ بھی ختم ہوجاتے ہیں۔

مأخَذُ الفَتوی

قال اللہ تعالیٰ: ﴿وَمَنْ يَكْفُرْ بِالْإِيمَانِ فَقَدْ حَبِطَ عَمَلُهُ وَهُوَ فِي الْآخِرَةِ مِنَ الْخَاسِرِينَ﴾ (المائدة: 5)
وفی مشكاة المصابيح: عن علي رضي الله عنه قال(إلی قوله) ثم قال ما منكم من أحد ما من نفس منفوسة إلا كتب مكانها من الجنة والنار وإلا قد كتب شقية أو سعيدة فقال رجل يا رسول الله أفلا نتكل على كتابنا وندع العمل فمن كان منا من أهل السعادة فسيصير إلى عمل أهل السعادة وأما من كان منا من أهل الشقاوة فسيصير إلى عمل أهل الشقاوة قال أما أهل السعادة فييسرون لعمل السعادة وأما أهل الشقاوة فييسرون لعمل الشقاوة اھ(1/ 31) واللہ أعلم!