انشورنس کمپنی کے ساتھ معاون کمپنی میں ملازمت اور تنخواہ کا حکم

میں ایک کال سینٹر میں کام کرتا ہوں، یہ ایک باضابطہ فرم ہے، یہ ایک انشورنس کمپنی کے ساتھ "یوکے" میں کام کر رہے ہیں، ان کا کام ایکسیڈنٹ کے زخمی کی ذاتی معلومات فراہم کرنا ہے اور کار مالکان کے نقصان کی معلومات , جنہوں نے انشورنس کمپنی سے اپنا انشورنس کروایا ہے، فراہم کرنا ہے، یہ لوگ پھر اس شخص کو تلاش کرتے ہیں، جس نے کار ایکسیڈنٹ کیا ہو اور ایکسیڈنٹ کی تمام معلومات حاصل کرتے ہیں، پھر یہ معاملہ کمپنی والوں کی طرف بھیجتے ہیں اور رقم حاصل کرتے ہیں، کمپنی ایجنٹ کو کمیشن دیتی ہے اور کچھ رقم دعوی کرنے والے شخص کو دیتی ہے، یہ لوگ ان لوگوں کو جو لوگوں کو تلاش کرنے کا کام کرتے ہیں ، تنخواہ کمیشن اکاؤنٹ سے دیتے ہیں، پوچھنا یہ ہے کہ کیا یہ رقم شرعی رو سے حلال ہے یا نہیں؟

الجوابُ حامِدا ًو مُصلیِّا ً

سائل کی مذکور ملازمت اور اس سے حاصل ہونے والی آمدنی شرعاً جائز اور درست ہے۔

مأخَذُ الفَتوی

کمافی الشامیة: مطلب في أجرة الدلال [تتمة] قال في التتارخانية: وفي الدلال والسمسار يجب أجر المثل، وما تواضعوا عليه أن في كل عشرة دنانير كذا فذاك حرام عليهم. وفي الحاوي: سئل محمد بن سلمة عن أجرة السمسار، فقال: أرجو أنه لا بأس به وإن كان في الأصل فاسدا لكثرة التعامل وكثير من هذا غير جائز، فجوزوه لحاجة الناس إليه كدخول الحمام اھ(6/63)۔