کیا حضور ﷺ نے معراج کی رات اللہ تعالی کو دیکھا ہے ؟اگر ہاں تو اس کا حوالہ دیجئے ۔
معراج کے موقع پر نبی کریم ﷺ کو دیدار الہی کا شرف حاصل ہوا تھا یا نہیں ؟اس کے متعلق صحابہ کرام رضی اللہ عنھم اجمعین کے دور سے اختلاف چلا آرہا ہے ،لیکن اکثر علماء کرام کا موقف ہے کہ نبی کریم ﷺ کو معراج کے موقع پر دیدار الہی کا شرف حاصل ہوا تھا ۔
کمافی حاشیة مسلم للنووی :فالحاصل ان الراجح عند اکثر العلماء ان رسول اللہ ﷺ رای ربہ بعینی راسه لیلة الاسراء لحدیث بن عباس وغیرہ مما تقدم واثبات ھذا لایاخذونه الا بالسماع من رسول اللہ ﷺ الخ (1/ 97)