شوہر کا اپنی بیوی کی میت کو غسل دینے کے جواز پر ایک استدلال کا جواب

السلام علیکم! مرد اپنی بیوی کے مرنے کے بعد اس کو غسل دے سکتا ہے ؟ حضرت فاطمہ رضی اللہ عنہا نے حضرت علی رضی اللہ کو وصیت کی تھی کہ آپ مجھے غسل دینا ؟ اگر غسل دینا نا جائز ہے تو اس کی کیا وجہ ہے؟

الجوابُ حامِدا ًو مُصلیِّا ً

بیوی کی وفات کے فوراً بعد چونکہ شوہر کا نکاح اس سے ختم ہو جاتا ہے، اس لۓ احناف کے ہاں شوہر کے لۓ بیوی کے مرنے کے بعد اسے غسل دینا جائز نہیں، جہاں تک حضرت علیؓ کا حضرت فاطمہؓ کو غسل دینے کا تعلق ہے تو اس کے متعلق علماءِ کرام نے مختلف توجیہات بیان فرمائی ہیں ، ایک توجیہ تو یہ بیان فرمائی ہے کہ حضرت فاطمہؓ کو حضرت علی نے نہیں، بلکہ ام ایمنؓ نے غسل دیا تھا، اور حضرت علیؓ کی طرف غسل کی نسبت غسل کے انتظام و انصرام کی وجہ سے کی گئی ، اور دوسری توجیہ یہ کی گئی ہے کہ دیگر لوگوں کے رشتے موت سے ختم ہوجاتے ہیں، مگر آلِ رسولﷺ کے رشتے موت کے بعد بھی باقی رہتے ہیں ، چنانچہ ایک روایت میں ہے کہ حضور ﷺ نے فرمایا: ’’كل سبب و نسب ينقطع بالموت إلا سببي و نسبي ‘‘ ترجمہ (ہر سبب اور نسب موت کے وقت ختم ہو جاتا ہے، سوائے میرے نسب اور سبب ) لہٰذا حضرت فاطمہؓ کی وفات کے بعد بھی چونکہ من وجہ حضرت علی کا رشتہ ان سے قائم تھا، اس لۓ حضرت علیؓ کے لۓ انہیں غسل دینے کی اجازت تھی ، مختصر یہ کہ یہ حضرت علی رضی اللہ عنہ کی خصوصیت تھی۔

مأخَذُ الفَتوی

كما في الدر المختار : (و يمنع زوجها من غسلها و مسها لا من النظر إليها على الأصح) منية . و قالت الأئمة الثلاثة : يجوز لأن عليا غسل فاطمة - رضي الله عنها - قلنا : هذا محمول على بقاء الزوجية لقوله - عليه الصلاة و السلام - «كل سبب و نسب ينقطع بالموت إلا سببي و نسبي» مع أن بعض الصحابة أنكر عليه ، شرح المجمع للعيني (و هي لا تمنع من ذلك) اھ (2/ 198)۔
و في كشف الأسرار : و قد روي أن أم أيمن غسلت فاطمة - رضي الله عنهما - و لو ثبت أن عليا غسلها فذلك لادعائه الخصوصية به حيث قال لابن مسعود - رضي الله عنه - حين أنكر عليه ذلك أما علمت أن رسول الله - عليه السلام - قال «فاطمة زوجتك في الدنيا و الآخرة» اھ (4/ 324)۔
و في فتح القدير للكمال ابن الهمام : لا يغسل الزوج امرأته و لا أم الولد سيدها ، خلافا للشافعي في الأول و لزفر في الثاني ؛ لأنهما صارتا أجنبيتين اھ (2/ 111)۔