استحاضہ کے ایام میں نماز پڑہنا لازم ہے؟

اگر بالفرض ۱۷ مارچ کو حیض شروع ہوا اور ۲۵ مارچ تک رہا پھر ۷ اپریل سے ۱۵ اپریل تک دوبارہ حیض آیا تو دونوں حیض کے درمیان میں ۱۵ دن کا پاکی کا وقفہ نہ ہوا تو یہ ۷ اپریل سے ۹ اپریل تک آیا ہوا خون استحاضہ ہوگا، پورا ۱۶ اپریل تک استحاضہ میں ہی شمار ہوگا؟ ۷ اپریل سے ۱۶ اپریل کے درمیان کن دونوں میں نماز پڑھنا ہوگا؟

الجوابُ حامِدا ًو مُصلیِّا ً

سوال میں اس بات کی ضاحت نہیں ایام عادت کتنے دن کے ہیں ، اور دو ماہواریوں کےد رمیان طہر کی مدت کتنی ہے، اسی طرح ہر مہینہ کسی معین تاریخ کو اسے ماہواری آتی ہے، یا غیر معین تاریخوں پر، تاکہ اس کے مطابق جواب دیا جاتا، تاہم اگر سائلہ کے حیض کے ایام کی عادت متعین ہو، تو مذکور ایام میں سے عادت کے مطابق آنےو الا خون، حیض شمار ہوگا، اور بقیہ ایام استحاضہ کے شمار ہوں گے، اور اس دوران فوت شدہ نماز وغیرہ کی قضا لازم ہوگی۔

مأخَذُ الفَتوی

کما فی الدر المحتار: و (أقله ثلاثة بلیالیها) الثلاث: فالإضافة لبیان العدد المقدر بالساعات الفلکیة لا للاختصاص، فلا یلزم کونها لیالي تلك الأیام؛ وکذا قوله (وأکثره عشرة) بعشر لیال، کذا رواه الدار قطني وغیره. (والناقص) عن أقله (والزائد) علی أکثره أو أکثر النفاس أو علی العادة وجاوز أکثرهما. (وما تراه) صغیرة دون تسع علی المعتمد وأیسة علی ظاهر المذهب (حامل) ولو قبل خروج أکثر الولد (استحاضة) اھ (۱/ ۲۸۵)
وفی حاشیته: (قوله والزائد علی أکثره) أی فی حق المبتدأة، أما المعتادة فما زاد علی عادتها ویجاوز العشرة فی الحیض والأربعین فی النفاس یکون استحاضة کما أشار إلیه بقوله أو علی العادة الخ. (۱/ ۲۸۵) واللہ اعلم بالصواب