فیول الاؤنس کا کیش بیک لینے کا حکم

میں ایک پرائیوٹ انڈسٹری میں جاب کرتا ہوں جہاں ڈپٹی مینیجر کو فیول الاؤ ہوتا ہے، لیکن اس کے رولز ہیں، کمپنی پالیسی کے مطابق کار اونر شپ لازمی ہو، بلکہ سب کسی بھی فرینڈ یا فیملی ممبر کی کار اپنے نام کر واکر کمپنی کو شوکر واکر فیول لیتے ہیں، اور جو فیول بچ جاتا ہے لمٹ سے اس کو کیش بیک کر والیتے ہیں پیٹرول پمپ سے۔
سوال یہ ہے کہ ایسے فیول لینا جائز ہے ؟ میری ہیڈ آف ڈپارٹمنٹ سے بات ہوئی، وہ کہتے ہیں یہ آپ کو سیلری کی مد میں دیتے ہیں اور رول اس لیے بنائے جاتے ہیں کیونکہ گورنمنٹ لیول پر مجبوری ہے پالیسیز دکھانا، اس لیے آپ کو الاؤ ہے جتنا فیول ملاضروری نہیں ہے اتنا استعمال بھی ہو، تو یہ لینا جائز ہے یا نہیں؟

الجوابُ حامِدا ًو مُصلیِّا ً

اگر مذکور فیول واقعۃً سیلری کی مد میں دیا جاتا ہو، اور اس حوالہ سے بنائے گئے رولز عملی طور پر نافذ نہ ہوں، بلکہ ان کی حیثیت فقط ایک رسمی کاروائی کی ہو ، اور انتظامیہ پوری طرح سے حقیقی صورت حال سے واقف بھی ہو، تو ایسی صورت میں متعلقہ ملازمین کے لیے مذکور فیول اور کیش بیک کی صورت میں اس کی رقم وصول کرنے کی بھی شرعاً گنجائش ہے۔

مأخَذُ الفَتوی

كما في سنن أبي داود: 3594 - حدثنا سليمان بن داود المهري، أخبرنا ابن وهب، أخبرني سليمان بن بلال، ح وحدثنا أحمد بن عبد الواحد الدمشقي، حدثنا مروان يعني ابن محمد، حدثنا سليمان بن بلال، أو عبد العزيز بن محمد شك الشيخ عن كثير بن زيد، عن الوليد بن رباح، عن أبي هريرة، قال: قال رسول الله صلى الله عليه وسلم: «الصلح جائز بين المسلمين» زاد أحمد، «إلا صلحا أحل حراما، أو حرم حلالا» وزاد سليمان بن داود، وقال رسول الله صلى الله عليه وسلم: «المسلمون على شروطهم» اھ (3/ 304) واللہ اعلم بالصواب