سودی قرض کے معاملات چلانے والے کال سینٹر میں ملازمت کا حکم

میں کال سینٹر میں کام کرنا چاہتا ہوں , اور اس میں کام یہ ہو گا کہ باہر کے ممالک عموماً یورپ یا امریکا کے لوگوں کو کال کرکے ان کو سودی قرضہ دینے کی معلومات دی جاتی ہیں , اور اس کے ساتھ ساتھ اگر وہ کال کریں تو ان کے مسائل حل کرنے کی کوشش کی جاتی ہے , اور جس بینک کے لئے یہ کام کیا جائے وہ کال سینٹر والوں کو تنخوا ہیں اور ہر نئے بندے کے نام پر کمیشن دیتا ہے , تو سوال یہ ہے کہ کیا اس طرح کے کال سینٹر میں اس طرح کا کام جائز ہے؟ یا مکمل طور پر نا جائز ہے ؟

الجوابُ حامِدا ًو مُصلیِّا ً

واضح ہو کہ احادیثِ مبارکہ میں حضور ﷺ نے جس طرح سود کھانے والے شخص پر لعنت فرمائی ہے ، اسی طرح سودی معاملات میں تعاون کرنے والے شخص پر بھی لعنت فرمائی ہے، لہذا صورتِ مسؤلہ میں سائل کی ذمہ داری بھی سودی معاملات میں معاونت کی ہے ، اس لئے سائل کے لئے کال سینٹر میں مذکور ملازمت اختیار کرنا شرعاً جائز نہیں اور اس پر ملنے والی تنخواہ بھی حلال و طیب نہ ہوگی، لہذا اس سے اجتناب لازم ہے۔

مأخَذُ الفَتوی

کما فی مرقاة المفاتیح : عَنْ جَابِرٍ رَضِيَ اللَّهُ عَنْهُ قَالَ : لَعَنَ رَسُولَ اللَّهِ صَلَّى اللَّهُ عَلَيْهِ وَ سَلَّمَ أَكَلَ الرِّبَا وَ مُوَكِلَهُ وَ كَاتِبَهُ وَ شَاهِدَيْهِ وَ قَالَ : «هُمْ سَوَاءٌ» . رَوَاهُ مُسلم
قَالَ الْخَطَّابِيُّ : سَوَّى رَسُولُ اللَّهِ - صَلَّى اللَّهُ عَلَيْهِ وَ سَلَّمَ - بَيْنَ آكِلِ الرِّبَا وَ مُوكِلِهِ ، إِذْ كُلٌّ لَا يَتَوَصَّلُ إِلَى أَكْلِهِ إِلَّا بِمُعَاوَنَتِهِ وَ مُشَارَكَتِهِ إِيَّاهُ ، فَهُمَا شَرِيكَانِ فِي الْإِثْمِ كَمَا كَانَا شَرِيكَيْنِ فِي الْفِعْلِ ، قَالَ النَّوَوِيُّ : فِيهِ تَصْرِيحٌ بِتَحْرِيمِ كِتَابَةِ الْمُتَرَابِيَيْنِ وَ الشَّهَادَةِ عَلَيْهِمَا وَ بِتَحْرِيمِ الْإِعَانَةِ عَلَى الْبَاطِلِ اھ(6/51)۔