میڈیکل بلنگ کی ملازمت کا حکم

کیا میڈیکل بلنگ کی ملازمت جائز اور آمدنی حلال ہے ؟ امریکہ میں علاج کا نظام انشورنس کے تحت چلتا ہے ، جو ڈاکٹر یا ہسپتال مریض کا علاج معالجہ کرتا ہے اس کو معاوضہ مریض نہیں بلکہ انشورنس کمپنی دیتی ہے کیونکہ وہاں انشورنس لازمی ہے ، اب امریکہ کے ڈاکٹر یا ہسپتال پاکستان میں میڈیکل بلنگ کمپنی کو اس بات کے پیسے دیتے ہیں کہ وہ وہاں کے مریضوں کا ڈیٹا اور رپورٹ تیار کرکے انشورنس کمپنی کو بھجوا کر دعوٰی دائر کرے تاکہ جو سروس اور علاج معالجہ ڈاکٹر یا ہسپتال نے مہیا کیا ہے اس کا معاوضہ انشورنس کمپنی اس ہسپتال یا ڈاکٹر کو بھجوا دے ، میڈیکل بلنگ کمپنی میں ہمارا صرف یہ کام ہوتا ہے ۔کیا یہ ملازمت ہمارے لئے جائز ہے اور جو تنخواہ ہے وہ حلال ہے؟ ہمیں رقم ڈاکٹر کی طرف سے ملتی ہے جو امریکہ میں ہوتا ہے، لیکن بعض کمپنیوں کو یہ رقم انشورنس کمپنی کی طرف سے ملتی ہے۔ دونوں کے بارے میں براہ ِمہربانی تفصیل سے جواب دیں۔

الجوابُ حامِدا ًو مُصلیِّا ً

صورتِ مسئولہ میں سائل براہ راست انشورنس کمپنی کا نمائندہ نہیں ہے، بلکہ وہ بل کلیئر کرنے والی کمپنی کا ملازم ہے، جو ہسپتال یا ڈاکٹر حضرات کے لئے بطور اجرت کا م کرتا ہے، جن کا کام ان مریضوں کا میڈیکل ریکارڈ مرتب کر کے متعلقہ کمپنیوں کا ارسال کر کے اس رقم کی ادائیگی کو یقینی بنانا ہے، لہٰذا سائل کے لئے مذکور کمپنی میں میڈیکل بلر کی اسامی پر ملازمت اختیار کرنا جائز اور درست ہے، شرعاً اس میں کوئی حرج نہیں۔

مأخَذُ الفَتوی

قال اللہ تعالیٰ: يَاأَيُّهَا الَّذِينَ آمَنُوا كُلُوا مِنْ طَيِّبَاتِ مَا رَزَقْنَاكُمْ وَاشْكُرُوا لِلَّهِ إِنْ كُنْتُمْ إِيَّاهُ تَعْبُدُونَ اھ ( سورۃ البقرۃ : 172 )
وفی الدر المختار: (قوله وكل أنواع الكسب إلخ) أي أنواعه المباحة، بخلاف الكسب بالربا والعقود الفاسدة ونحو ذلك (قوله على المذهب الصحيح) قال بعده في التتارخانية. وبعض الفقهاء قالوا: الزراعة مذمومة، والصحيح ما ذهب إليه جمهور الفقهاء: ثم اختلفوا في التجارة والزراعة أيهما أفضل. وأكثر مشايخنا على أن الزراعة أفضل اهـ وفي الملتقى والمواهب: أفضله الجهاد، ثم التجارة، ثم الحراثة، ثم الصناعة اهـ.
أقول: فالمراد من قولهم كل أنواع الكسب في الإباحة سواء أنها بعد أن لم تكن بطريق محظور لا يذم بعضها وإن كان بعضها أفضل من بعض تأمل.الخ ( ج 6 ص 462 ط: سعید )