میں ایک کرائے کے مکان میں رہتا ہوں،جس کا کرایہ تقریباً 20 سے 25 ہزار ہے۔ اور ایڈوانس ایک لاکھ ہے ۔پر میں نے مکان مالک کو پانچ لاکھ ایڈوانس دیا ہے جس پر کرایہ 14000 طے پایاگیا یہ صورت جائزہے؟
مکان، یا دکان وغیرہ کے کرایہ داری معاہدے کے وقت ایڈوانس کی مد میں وصول کی جانے والی رقم فقہی اعتبارسےقرض ہے اور قرض کے بدلےمیں کسی بھی قسم کا نفع حاصل کرنا اصولِ شرعیہ کے خلاف اور سود کے زمرے میں آتا ہے، لہذا صورت ِمسئولہ میں سائل کا ایڈوانس کی مد میں غیر معمولی رقم دیکر اس کے عوض مارکیٹ ریٹ کے بجائے کم قیمت پر مکان کرایہ پر لینا قرض کے بدلے نفع لینے کی وجہ سے سودی معاملہ شمار ہوگا، جو کہ شرعاً ناجائز اور حرام ہے اور یہ معاملہ فسخ کرنا لازم ہے۔
کما فی المبسوط:و نہیٰ رسول اللہ ﷺ عن قرض جر منفعۃ و سماہ ربا إلخ(ج 14 ص 35 باب القرض و الصرف فیہ، ط: ادارۃ القرآن و العلوم الإسلامیہ)۔
و فی النتف فی الفتاوی: انواع الربا: و أما الربا فھو ثلاثۃ اوجہ: احدھا فی القروض و الثانی فی الدیون و الثالث فی الرھون فأما فی القروض فھو علی وجھین: احدھا ان یقرض عشرۃ دراھم بأحد عشر درھما أو باثنی عشر و نحوھا و الآخر أن یجر الی نفسہ منفعۃ بذلک القرض أو تجر الیہ و ھو ان یبیعہ المستقرض شیئا بأرخص مما یباع أو یؤجرہ أو یھبہ ھبۃ(إلی قولہ) و لو لم یکن ذلک (ھذا) القرض لما کان (ذلک) الفعل فان ذلک ربا، و علی ذلک قول إبراھیم النخعی کل دین جر منفعۃ لا خیر فیہ الخ (انواع الربا،الربا فی القروض ص: 296 ط: ایچ ایم سعید)۔
کمپنی کی طرف سےجہاز کے ٹکٹ کی مد میں ملنے والی رقم بچا کر ذاتی استعمال میں لانا
یونیکوڈ اجرت و کرایہ داری 0