نفاس کی مدت کتنی ہے؟

ڈیلیوری کے بعد خون کب تک آتا ہے؟ اور نماز کب شروع کر سکتے ہیں؟

الجوابُ حامِدا ًو مُصلیِّا ً

بچہ کی پیدائش کے بعد آنے والے خون یعنی نفاس کی زیادہ سے زیادہ مدت چالیس دن ہے، اور کم سے کم کی کوئی حد متعین نہیں، چنانچہ ولادت کے بعدان چالیس ددنون میں جب تک خون جاری رہے اس میں نماز پڑھنا جائز نہیں ، لہٰذا اگر خاتون کی کوئی عادت متعیّن نہ ہو ، تو ولادت کے بعد چالیس دن تک وہ خون جاری رہا تو وہ نفاس شمار ہوگا اور جب چالیس دن کے اندر خون بند ہوجائے یا چالیس دن مکمل ہوجائیں تو دونوں صورتوں میں غسل کر کے نماز شروع کردے ۔
تاہم اگر عورت معتادہ ہو (یعنی عادت متعین ہو) تو جب عادت سے تجاوز کرکے چالیس دن کے اندر خون بند ہوجائے تو وہ خون نفاس کاشمار ہوگا، اس میں بھی نماز درست نہیں ہے ، البتہ اگر معتادہ کا خون چالیس دن سے زیادہ جاری رہا تو جو اس کی عادت کے ایام تھے وہ نفاس کے شمار ہوں گے باقی استحاضہ کاخون شمار ہوگا ، لہذا ان ایام کی نمازیں قضاء کرنا لازم ہوں گی ۔

مأخَذُ الفَتوی

کما فی الھندیۃ: أقل ‌النفاس ما يوجد ولو ساعة وعليه الفتوى وأكثره أربعون. كذا في السراجية.وإن زاد الدم على الأربعين فالأربعون في المبتدأة والمعروفة في المعتادة نفاس هكذا في المحيط الخ۔ ( الفصل الثانی فی النفاس، ج: 1ص: 37، ط: ماجدیہ)۔
وفی التاتارخانیۃ: ولوکانت المرأۃ لھا عادۃ معروفۃ فی النفاس وھی التی ولدت غیر مرۃ فکلما رأت من الدم ولم یجاوز الأربعین فذلک کلہ نفاس بالإجماع كما في الحيض إذا لم يجاوز العشرة، وفي الخلاصة: وإذا جاوز الدم على الأربعين ترد إلى عادتها، وفي السراجية: إذا كانت عادتها في النفاس أربعين الخ۔ ( نوع الثانی فی النفاس، ج: 1، ص: 539، ط: مکتبہ زکریا)۔