ایتھانول الکوحل کے پلانٹ میں ملازمت کا حکم

میں ایک ا ایتھانول (ایتھائل) پلانٹ پر جا ب کرتا ہوں جہاں ہوں اسے مختلف پروڈکٹ میں استعمال کیا جاتا ہے جیسے sanitizer، میڈیسن ، پرفیوم لیکن اس کو الکوحل میں بھی استعمال کیا جاتا ہے یہ 99 فیصد pure الکوحل ہوتی ہے ۔
میرا سوال ہے کیا یہاں کام کرنا جائز ہے اور کیا اسکی کمائی حلال ہے یا حرام رہنمائی فرمادیں ۔جزاک اللّہ

الجوابُ حامِدا ًو مُصلیِّا ً

صورتِ مسئولہ میں سائل ایتھانول (Ethanol) تیار کرنے والےجس پلانٹ میں ملازمت کررہا ہے،وہاں تیار ہونے والا ایتھانول اگر انگور، کھجور کے علاوہ دیگر اجناس مثلاً گندم ، آلو، گنے وغیرہ سے کشید کیا جاتا ہو تو چونکہ یہ ایتھانول متعدد جائز مقاصد، مثلاً سینیٹائزر، ادویات، پرفیوم اور دیگر صنعتی مصنوعات میں استعمال ہوتی ہے، اس لیے اس پلانٹ میں ملازمت کرنا شرعاً جائز ہے، اور اس کے عوض حاصل ہونے والی تنخواہ بھی حلال ہے۔البتہ اگرمذکورہ ایتھانول کو بعض افراد یا کمپنیاں شراب سازی میں بھی استعمال کرتی ہیں، تو محض اس استعمال کی وجہ سے سائل کی ملازمت ناجائز نہ ہوگی، کیونکہ سائل کا کام براہِ راست شراب کی تیاری یا فروخت سے متعلق نہیں، بلکہ ایک ایسی چیز کی تیاری سے متعلق ہے جس کے جائز استعمالات بھی موجود ہیں۔ چنانچہ اگر کوئی شخص یا کمپنی اسے بعد میں ناجائز مقصد کے لیے استعمال کرے تو اس کا گناہ اسی پر ہوگا۔ لہٰذا مذکورہ ملازمت جائز اور اس سے حاصل ہونے والی آمدنی حلال ہے۔

مأخَذُ الفَتوی

كما في فقه البيوع : (۱/ ۱۸۹)
اما الحنفية فالظاهر من متونهم انهم فرقوا بين ما قامت المعصية بعينه، فكرهوا بيعه كبيع السلاح من اصل الفتنة وبيع امر وممن يفجر به ، وبين ما لم تقم المعصية بعينه بل تحتاج إلى صفعة من المشترى فأجازوا بيعه كبيع العصير ممن يتخذه خمرا وبيع ارض لمن يتخذه كنيسة (الى قوله ) والذي ظهر لي بفضل الله وكرهه في الفرق بينهما هو ان ما قامت المعصية بعينه هو ما كانت المعصية فى نفس فعل المعين بحيث لا تنقطع عنه نسبتها يفعل ذلك الفاعل المختار اھ
وفيه ايضا : (۲/ ۱۲۲)
حكم الفنادق والمطاعم التي تباع فيها الخمور: اما قبول الوظائف في مثل هذه الفنادق والمطاعم فإن كانت الوظيفة متمحضة لخدمة مباحة ، فهى جائزة، وتجرى على راتبها حكم المال الحلال وان كانت متمحضة للحرام مثل : بيع الخمر، فهي حرام وراتبها حرام اھ