سیاست میں حصہ لینا

میرا مسلک دیوبندی ہے اور میں پوچھنا چاہ رہاہوں کہ سیاست میں حصہ لینا اسلام میں جائز ہے؟ کیا میں مولانا فضل الرحمٰن صاحب کی پارٹی میں شمولیت اختیار کرسکتاہوں؟

الجوابُ حامِدا ًو مُصلیِّا ً

سیاست اسلام کا ایک بنیادی شعبہ ہے اور اس میں حصہ لینا تمام اہلِ اسلام کے لیے عام حالات میں یہ بھی ایک فرض کفایہ ہے اور اسلامی طرز پر سیاست کرنے اور اس فریضہ کو ادا کرنے کیلیے بعض علماء تحریکی سیاست کے میدان میں مصروف عمل ہیں، مگر آج کل سیاست میں عموماً جھوٹ، غلط بیانی، الزام تراشی، کردار کشی، دھوکہ دہی جیسے کئی ایک بڑے اور سنگین گناہوں کا ارتکاب کیا جاتاہے، اس لیے کوئی عالم یا غیر عالم ان اُمور کی اصلاح وسیاست اسلامیہ کو پروان چڑھانے کی غرض سے سیاسی میدان میں اُترے یا کسی جماعت میں شامل ہو تو اس کا یہ عمل بلا شبہ جائز اور مستحسن شمار ہوگا۔ واللہ اعلم!