نقل سے حاصل ہونے والی ڈگری پر ملازمت کا حکم - جعلی اسناد

میں یونیورسٹی میں پڑھتا ہوں، مجھے یہ معلوم کرنا ہے کہ میں اگر کبھی یونیورسٹی میں پیپر میں یا کچھ چیزیں نقل کرتا ہوں اور پھر پاس ہو کر ڈگری لیکر کہیں نوکری کرتا ہوں تو اس نوکری کی کمائی میرے لیے حلال ہوگی یا نہیں؟

الجوابُ حامِدا ًو مُصلیِّا ً

امتحان میں نقل کرنا ایک قسم کی دھوکہ دہی اور خیانت ہونے کی وجہ سے ناجائز عمل ہے جس سے احتراز لازم ہے، تاہم اگر کسی نے اس طرح سے پاس ہوکر ڈگری حاصل کی اور اس ڈگری سے اسے نوکری ملی اور وہ اس نوکری اورذمہ داری کو پورا کرتا ہے تو اسکی آمدنی اس کیلئے حلال ہے۔

مأخَذُ الفَتوی

قال رسول اللہﷺ: ’’مَنْ غَشَّ فَلَیْسَ مِنَّا‘‘ (سنن الترمذی: ج ۳ ص ۵۹۸)۔ واللہ تعالٰی اعلم