نماز جنازہ کے بعد بیان کرکے حیلۂ اسقاط کے پیسے تقسیم کرنا

کیا فرماتے ہیں علماءِ کرام و مفتیانِ عظام اس مسئلہ کے بارے میں کہ ہمارے گاؤں والوں کا رواج ہے کہ نماز جنازہ ادا کرنے کے بعد امام صاحب بیان کرتے ہیں، بیان کے دوران لوگوں کے درمیان اسقاط کے نام پر پیسے تقسیم کیے جاتے ہیں، اگر چہ میت نے وصیت کی ہو یا نہ کی ہو، نماز جنازہ کےبعد بیان کرنا اور اسقاط کے پیسے تقسیم کرنا قرآن و حدیث سے ثابت ہے یا نہیں؟ اور اگر امام صاحب کےمنع کرنے کے باوجود گاؤں والے اطاعت نہ کریں تو امام پر کیا ذمہ داری عائد ہوتی ہے؟ مفصل ومدلل جواب دے کر ممنون فرمائیں۔

الجوابُ حامِدا ًو مُصلیِّا ً

سوال میں مذکور طریقے کے موافق اسقاط تقسیم کرنا بدعتِ محض ہے، جس سے احتراز لازم ہے، اس لیے امام موصوف کو چاہیے کہ اگر عام مجمع میں اس عمل کے خلاف بات کرنے سے دین سے دوری اور جہالت کی بناء پر فتنہ و فساد کا اندیشہ ہو تو پھر پہلے علاقے کے سرکردہ لوگوں کو انفرادی طور پر مسئلۂ شرعیہ سمجھائیں اور اس کے بعد عمومی طور پر بھی سمجھائیں اور فوت شدہ نماز، روزوں کے فدیہ دینے کا طریقہ اور مسئلہ انہیں بتائیں۔

مأخَذُ الفَتوی

ففی الدر المختار: (ولو مات وعليه صلوات فائتة وأوصى بالكفارة يعطى لكل صلاة نصف صاع من بر) كالفطرة (وكذا حكم الوتر) والصوم، وإنما يعطي (من ثلث ماله) الخ(2/ 72)-
وفی حاشية ابن عابدين: (قوله وإنما يعطي من ثلث ماله) أي فلو زادت الوصية على الثلث لا يلزم الولي إخراج الزائد إلا بإجازة الورثة. اھ(2/ 73)-
وفی الخانیة علی ھامش الھندیة: رجل مات و علیه صلوت وأوصی بأن یطعموا عنه لصلوٰته اتفق المشائخ علی أنه یجب تنفیذ ھذہ الوصیةمن ثلث ماله الخ (۱/۱۱۴)-