السلام علیکم ورحمۃ اللہ وبرکاتہ!
محترم مفتی صاحب!
میں ایک پاکستانی کمپنی میں سافٹ ویئر انجینئر ہوں۔ ہماری کمپنی کا ہیڈ آفس امریکہ میں ہے اور اب کمپنی مجھے وہاں امریکہ بلا رہی ہے۔ پہلے میری بھی وہاں جانے کی خواہش تھی، لیکن فلسطین کے معاملے میں امریکہ کا جو کردار رہا ہے، اس کے بعد اب سمجھ نہیں آتا کہ ایسے حالات میں وہاں جا کر رہنا کیسا ہے، جبکہ وہ ہمارے فلسطینی بھائیوں کے خلاف ہیں۔ہم مالی طور پر کافی مستحکم ہیں، الحمدللہ۔ تو کیا ایسے مسلم دشمن ممالک میں صرف بہتر معیارِ زندگی کے لیے جانا درست ہے؟
میرے شوہر وہاں ہجرت کرنا چاہتے ہیں، لیکن مجھے یہ پسند نہیں ہے۔ تو اس صورتِ حال میں میرے لیے شرعی احکام کیا ہیں؟براہِ کرم رہنمائی فرمائیں۔جزاک اللہ خیراً!
واضح ہو کہ مسلمان آدمى كا کسی غیر مسلم ملک میں مستقل رہائش اختیار کرنا صرف معیارِ زندگی بلند کرنے کی غرض سے اور خوشحالی اور عیش و عشرت کی زندگی گزارنے کی غرض سے جبکہ وہ مالی طور پر کافی مستحکم ہو، تو ایسی ہجرت کراہت سے خالی نہیں۔ چنانچہ ایک حدیث شریف میں شدید ضرورت اور تقاضہ کے بغیر مشرکین کے ساتھ رہائش اختیار کرنے کی ممانعت آئی ہے، لہازا مندرجہ بالا تفصیل کو مدِنظر رکھتے ہوئے بالخصوص جب میاں بیوی مالی طور پر مستحکم ہوں، انہیں غیر مسلم ملک میں مستقل رہائش اختیار کرنے سے اجتناب کرنا چاہیئے۔