یا غوث اور یا علی مدد پکارنا شرک ہے؟

کیا حضور صلی اللہ علیہ وسلم سے یا حضرت علی سے یا کسی بھی غیر اللہ سے تحت الاسباب یا فوق الاسباب پکار کر مدد مانگنا شرک ہے جیسے بریلوی جو یا غوث مدد پکارتے ہیں اور یا علی مدد کیا یہ شرک ہے ؟

الجوابُ حامِدا ًو مُصلیِّا ً

واضح ہوکہ مدد اور فریاد مطلقاً اور بالذات صرف اللہ تعالیٰ سے مانگنا جائز ہے، کیونکہ صرف وہی ذات حقیقی کارساز اور مشکل کشا ہے،جبکہ غیر اللہ سے مدد کی دو صورتیں ہیں
(الف) تحت الاسباب (اسباب کے دائرے میں):
اگر زندہ موجود انسان سے ایسی مدد مانگی جائے جو وہ اپنی قدرت و استطاعت کے اندر کر سکتا ہو، جیسے قرض یا جسمانی مدد کرنا، تو یہ جائز ہے ۔
(ب) فوق الاسباب (مرنے کے بعد، یا ایسی مدد جو صرف اللہ کر سکتا ہے):
اگر کسی نبی، ولی یا کسی اور سے اس عقیدے کے ساتھ مدد مانگی جائے کہ وہ اپنی ذات سے غیب جانتے ہیں، مشکل کشا ہیں، یا اللہ کے سوا بلا واسطہ حاجت روائی و مشکل کشائی کر سکتے ہیں، تو یہ عقیدہ شرک ہے، کیونکہ یہ صفت صرف اللہ تعالیٰ کی ہے۔
لہٰذا "یا علی مدد" یا "یا غوث مدد" جیسی پکار، اگر اعتقادِ غیبی امداد کے ساتھ ہو، تو بلاشبہہ یہ شرک ہے ،جس سے احترازلازم ہے۔
البتہ اگرمذکورندائیہ کلمات کہنے والاصحیح العقیدہ سنی مسلمان ہوتواس پراگرچہ مرتکب ِشرک کاحکم نہیں لگایاجائے گاتاہم ایسا کہنا موجودہ دور میں اہل بدعت کا شعار بن چکا ہے اور وہ لوگ مذکورشخصیات کو مددگار اور مشکل کشا سمجھ کر پکارتے ہیں ،لہٰذا ان کے ساتھ تشبہ سے بچنے کیلئے ایسا کہنے سے اجتناب کرناچاہیے ۔

مأخَذُ الفَتوی

کما فی تفسير الألوسي روح المعاني - ط العلمية : الثاني ‌أن ‌الناس ‌قد ‌أكثروا ‌من ‌دعاء ‌غير ‌الله تعالى من الأولياء الأحياء منهم والأموات وغيرهم، مثل يا سيدي فلان أغثني، وليس ذلك من التوسل المباح في شيء، واللائق بحال المؤمن عدم التفوه بذلك وأن لا يحوم حول حماه، وقد عدّه أناس من العلماء شركا وأن لا يكنه، فهو قريب منه ولا أرى أحدا ممن يقول ذلك إلا وهو يعتقد أن المدعو الحي الغائب أو الميت المغيب يعلم الغيب أو يسمع النداء ويقدر بالذات أو بالغير على جلب الخير ودفع الأذى وإلا لما دعاه ولا فتح فاه، وفي ذلك بلاء من ربكم عظيم، فالحزم التجنب عن ذلك وعدم الطلب إلا من الله تعالى القوي الغني الفعال لما يريد ۔(3/ 297)