نیٹ پر چیٹ کرنے کا حکم

السلام علیکم ورحمۃ اللہ وبرکاتہ!
میں یہ پوچھنا چاہتا ہوں کہ لوگ کہتے ہیں کہ نیٹ پر چیٹنگ کرنا گناہ ہے۔ تو کیا یہ صحیح ہے؟ اور یہ کہ ہم وہ ’’چیٹنک‘‘ کر رہے ہوں جو جس سے کسی کو نہ کوئی نقصان ہوتا ہو اور صرف مذاق یا پھر جنرل بات ہو یا پھر اسلامک ٹاپک ہو؟

الجوابُ حامِدا ًو مُصلیِّا ً

واضح ہو کہ چیٹنگ یعنی دھوکہ بازی خواہ نیٹ پر کی جائے یا اس کے علاوہ کسی دوسرے ذریعہ سے کی جائے بہرحال ناجائز اور گناہ ہے اور اگر یہ لڑکی اور لڑکے یعنی غیر محرم کے درمیان ہو تو اس کی بناء پر اس کی حرمت مزید بڑھ جاتی ہے، لہٰذا مذکور طرزِ عمل سے بہر حال احتراز واجب ہے۔

مأخَذُ الفَتوی

ففی مشكاة المصابيح: وعن أبي هريرة عن النبي صلى الله عليه وسلم قال: «المؤمن غر كريم والفاجر خب لئيم» . رواه أحمد والترمذي وأبو داود (3/ 1409)
وفیها أیضاً: وعن علي بن الحسين رضي الله عنهما قال رسول الله صلى الله عليه وسلم: «من حسن إسلام المرء تركه ما لا يعنيه» . رواه مالك وأحمد(3/ 1361) واللہ أعلم بالصواب!