ہر سال غلافِ کعبہ کو تبدیل کرنے کا سبب

السلام علیکم ! غلاف کعبہ کے بارے میں میرا ایک سوال ہے کہ غلاف کعبہ ہر سال کیوں تبدیل کیا جاتا ہے ؟ مجھے شرعی حوالہ چاہیے۔

الجوابُ حامِدا ًو مُصلیِّا ً

خلفاء راشده خصوصا امیر المؤمنین حضرت عمر ؓ کے زمانہ مبارکہ سے یہ روایت چلی آرہی ہے کہ ہر سال غلاف کو تبدیل کیا جاتا ہے اور اس کے حصے حجاج میں تقسیم کئے جاتے ہیں اور یہ غالبا اس کے بوسیدہ اور پرانا ہونے کی وجہ سے ہے۔

مأخَذُ الفَتوی

كما في البحر الرائق شرح كنز الدقائق: وهكذا اختاره الإمام النووي في شرح المهذب فقال: إن الأمر فيها إلى الإمام يصرفها في بعض مصارف بيت المال بيعا، وعطاء لما رواه الأزرقي أن عمر - رضي الله عنه - كان ينزع كسوة البيت كل سنة فيقسمها على الحاج اھ (3/ 47)