مطلقہ عورت کا نکاح نامہ میں اپنے کو کنواری لکھوانا

السلام علیکم !
ایک لڑکی طلاق یافتہ ہے اور اس کی دوسری شادی ہو رہی ہے، لڑکے کو پتہ ہے کہ لڑکی طلاق یافتہ ہے، اس کے گھر والوں کو نہیں پتہ تو کیا نکاح نامے پے مطلقہ کی جگہ کنواری لکھ سکتے ہیں ؟

الجوابُ حامِدا ًو مُصلیِّا ً

واضح ہو کہ مجلسِ نکاح میں دو عاقل،بالغ گواہوں کی موجودگی میں ایجاب و قبول کرنے سے شرعاً نکاح درست منعقد ہوجاتاہے ، نکاح نامہ تحریر کرنا کوئی لازم اور ضروری نہیں ، اس لئے نکاح نامہ میں مطلقہ کی جگہ کنواری لکھنے سے نکاح پر تو کوئی فرق نہیں پڑےگا، البتہ چونکہ یہ جھوٹ اور دھوکہ دہی پر مبنی عمل ہے،اس لئے ایسا کرنا گناہ ہے،جس سے احتراز لازم ہے۔