بسم اللہ الرحمٰن الرحیم'السلام علیکم ورحمۃ اللہ وبرکاتہ'محترم مفتی صاحب
موضوع: جنرل پروویڈنٹ فنڈ (GP Fund) اور اس پر ملنے والی اضافی رقم (Interest/Profit) کا شرعی حکم
عرض ہے کہ میں سرکاری ملازم ہوں اور بطور ٹیچر خدمات انجام دے رہا ہوں۔ میری تنخواہ سے ہر ماہ تقریباً 4900 روپے جنرل پروویڈنٹ فنڈ (GP Fund) کی مد میں لازمی طور پر کٹوتی ہوتی ہے۔ یہ رقم حکومت کے پاس جمع رہتی ہے اور ریٹائرمنٹ کے وقت مجھے اصل جمع شدہ رقم کے ساتھ ساتھ ایک اضافی رقم بھی دی جاتی ہے، جسے بعض اوقات "interest" اور بعض اوقات "profit/mark-up" کہا جاتا ہے۔
براہِ کرم مندرجہ ذیل امور کے بارے میں قرآن و سنت اور فقہِ حنفی کی روشنی میں رہنمائی فرمائیں:
1۔ کیا GP Fund میں جمع شدہ رقم پر ملنے والا اضافہ شرعاً سود (ربا) کے حکم میں آتا ہے؟
2۔ اگر یہ اضافہ سود کے زمرے میں آتا ہے تو کیا اس رقم کو استعمال کرنا جائز ہے یا نہیں؟
3۔ کیا صرف اصل جمع شدہ رقم لینا جائز ہے اور اضافی رقم کو صدقہ کرنا لازم ہوگا؟
4۔ چونکہ یہ کٹوتی سرکاری نظام کے تحت لازمی ہوتی ہے اور ملازم اس میں اپنی مرضی سے شامل نہیں ہوتا، تو اس صورت میں شرعی حکم کیا ہوگا؟
5۔ اگر حکومت اس اضافی رقم کو "profit" یا "mark-up" کے نام سے ادا کرے تو کیا اس کے شرعی حکم میں کوئی فرق پڑتا ہے یا نہیں؟
براہِ کرم مکمل شرعی رہنمائی فرما دیں تاکہ میں درست طریقے سے عمل کر سکوں۔
جزاکم اللہ خیراً
واضح ہو کہ جبری پراویڈنٹ فنڈ(یعنی وہ جس میں ملازم کی تنخواہ سے ماہ بماہ کٹوتی تو ہوتی ہے مگر اس میں ملازم کا کوئی اختیار نہیں ہوتا)میں ملازم کی تنخواہ سے جو رقم ماہ بماہ کاٹی جاتی ہے ، اور اس پر ہر ماہ جو اضافہ محکمہ اپنی طرف سے کرتا ہے، پھر مجموعہ پر جو رقم سالانہ بنام سود جمع کرتا ہے، ان تینوں رقموں کا حکم ایک ہی ہے اور وہ یہ کہ یہ سب رقمیں در حقیقت تنخواہ ہی کا حصہ ہیں، اگر چہ وہ سود یا کسی اور نام سے دی جائیں ،لہذا ملازم کے لیے ان کو لینا اور اپنے استعمال میں لانا جائز اور درست ہے، اور مذکور رقم کو بینک میں رکھ کر اس پر انٹرسٹ حاصل کرنے کا گناہ ووبال متعلقہ ادارے کے ذمہ ہوگا، سائل اس سے بری الذمہ ہے،لہذ اس رقم کو لینا اور اپنی دیگر ضروریات میں صرف کرنا جائز ہے۔
كما في الفتاوى الهندية: ثم الأجرة تستحق بأحد معان ثلاثة إما بشرط التعجيل أو بالتعجيل أو باستيفاء المعقود عليه فإذا وجد أحد هذه الأشياء الثلاثة فإنه يملكها كذا في شرح الطحاوي وكما يجب الأجر باستيفاء المنافع يجب بالتمكن من استيفاء المنافع إذا كانت الإجارة صحيحة اھ (الباب الثاني متى تجب الأجرة وما يتعلق به من الملك وغيره ج:4،ص:413،مط: المطبعة الكبرى الأميرية )
و في البحر الرائق شرح كنز الدقائق: (قوله بل بالتعجيل أو بشرطه أو بالاستيفاء أو بالتمكن) يعني لا يملك الأجرة إلا بواحد من هذه الأربعة والمراد أنه لا يستحقها المؤجر إلا بذلك اھ (کتاب الاجارۃ،ج:7،ص:300،مط: دار الكتاب الإسلامي)
پراویڈنٹ فنڈ اختیاری سے حاصل شدہ اضافی رقم کو کن مدات میں استعمال کیا جاسکتاہے؟
یونیکوڈ پراویڈنٹ فنڈ 0