طلاق

میں تمہیں رکھوں تو اپنی ماں کو رکھوں کہنے سے کیا بیوی پر طلاق واقع ہوجائے گی ؟

فتوی نمبر :
101578
| تاریخ :
2026-11-16
معاملات / احکام طلاق / طلاق

میں تمہیں رکھوں تو اپنی ماں کو رکھوں کہنے سے کیا بیوی پر طلاق واقع ہوجائے گی ؟

گزارش ہے کہ میری اور میری اہلیہ کے درمیان بعض غلط فہمیوں کی بنا پر ناچاقی اور جھگڑا ہو گیا۔ دورانِ جھگڑا جذبات پر قابو نہ رکھتے ہوئے میری زبان سے چند نامناسب الفاظ نکل گئے جن کی تفصیل درج ذیل ہے:
1. میں نے اپنی بیوی سے کہا: "میں تمہیں رکھوں تو اپنی ماں کو رکھوں"۔ اس وقت میری نیت اور مراد یہ تھی کہ جس طرح میری ماں مجھ پر ہمیشہ کے لیے حرام ہے، اسی طرح تم بھی مجھ پر حرام ہو۔
2. اس کے بعد میں نے کہا: "میں تمہیں نہیں رکھتا، میرے گھر سے نکل جاؤ، میں تمہارا طلاق نامہ بھجوا دوں گا"۔
اب دریافت طلب امر یہ ہے کہ شریعتِ مطہرہ کی رو سے قرآن و حدیث کی روشنی میں میرے لیے کیا حکم ہے؟ کیا میری بیوی بدستور میرے نکاح میں ہے اور میرے لیے حلال ہے یا حرام ہو گئی ہے؟برائے کرم قرآن و سنت کی روشنی میں واضح شرعی حکم صادر فرما کر عنداللہ ماجور ہوں، تاکہ میں اپنی آخرت اور ایمان کی حفاظت کر سکوں۔والسلام!

الجوابُ حامِدا ًو مُصلیِّا ً

سوال ميں ذكر كرده جمله "میں تمہیں رکھوں تو اپنی ماں کو رکھوں" سےچونکہ سائل کی نیت بیوی کو اپنے اوپر حرام کرنے کی تھی، اس لیے مذکور جملے سے سائل کی بیوی پر ایک طلاق بائن واقع ہوچکی ہے، جس سے میاں بیوی کا نکاح ٹوٹ چکا ہے ، البتہ اگلے جملوں سے مزید کوئی طلاق واقع نہیں ہوئی ہے ، لہذا اب رجوع تو نہیں ہوسکتا، البتہ اگر میاں بیوی دوبارہ ساتھ رہنا چاہیں تو اس کیلئے باہمی رضامندی سے نئے مہر کیساتھ شرعی گواہوں کی موجودگی میں نکاح کرنا لازم ہوگا، نکاح کے بغیر ان کیلئے میاں بیوی کی طرح رہنا شرعاً جائز نہیں ہے۔ تاہم اس نکاح کے بعد آئندہ کیلئے سائل کو فقط دو طلاقوں کا اختیار ہوگا، اس لیے آئندہ طلاق کے معاملے میں احتیاط سے کام لینا چاہئیے۔

مأخَذُ الفَتوی

کما فی تبيين الحقائق شرح كنز الدقائق: قال - رحمه الله - (وإن نوى بأنت علي مثل أمي برا أو ظهارا أو طلاقا فكما نوى، وإلا لغا) أي وإن نوى بقوله لامرأته أنت علي مثل أمي أحد هذه الأشياء التي ذكرها فهو كما نوى... وإن قال نويت به الطلاق فهو طلاق بائن لأنه تشبيه بالأم في الحرمة فكأنه قال أنت علي حرام، ونوى الطلاق. (3/ 4، ط: المطبعة الكبرى الأميرية)

واللہ تعالی اعلم بالصواب
محمد الیاس آفریدی عُفی عنه
دار الافتاء جامعه بنوریه عالمیه
فتوی نمبر 101578کی تصدیق کریں
0     13
Related Fatawa متعلقه فتاوی
  • تحریر کردہ طلاق نامہ کے ذریعہ طلاق کا حکم

    یونیکوڈ   اسکین   طلاق 7
  • مذاق میں بیوی کو طلاق کاغذ پر لکھ کر دیدی

    یونیکوڈ   اسکین   طلاق 1
  • بیوی کو حرام زادی کہنے سے نکاح متاثرہوگا؟

    یونیکوڈ   اسکین   انگلش   طلاق 2
  • دل دل میں طلاق دینا

    یونیکوڈ   اسکین   طلاق 1
  • ایک کاغذپر تین طلاق لکھ کر دینے سے کتنی طلاقیں واقع ہوں گی؟

    یونیکوڈ   اسکین   طلاق 2
  • تم میری بہن کی طرح ہو کہنے سے بیوی پر طلاق واقع ہوگی؟

    یونیکوڈ   اسکین   طلاق 1
  • بیرون ملک شادی کے لئے پہلی بیوی کے نام عارضی طلاق نام بنوانا

    یونیکوڈ   اسکین   طلاق 2
  • اسلام قبول کرنے کے بعد عیسائی شوہرسے نکاح خودبخودختم ہوجاتاہے؟

    یونیکوڈ   اسکین   انگلش   طلاق 0
  • پچپن میں نکاح کے بعد بالغ ہونے پر لڑکا پاگل ہوگیا طلاق کیسے ہوگی؟

    یونیکوڈ   اسکین   طلاق 1
  • طلاق نامہ پر دستخط کرنے سے طلاق واقع ہوجاتی ہے؟

    یونیکوڈ   طلاق 0
  • حمل کی حالت میں طلاق دینے کا حکم

    یونیکوڈ   طلاق 2
  • طلاق کا واقعہ سنانے سے مزید طلاق واقع ہونے سے متعلق سوال

    یونیکوڈ   طلاق 2
  • "میں تم کو طلاق دیتا ہوں "بیوی کو غصہ میں تین دفعہ بول دینا

    یونیکوڈ   طلاق 4
  • بیوی کی غیر موجودگی میں, سسر کو تین بار کہہ دینا کہ" میں نے تیری بیٹی کو طلاق دیدی "

    یونیکوڈ   طلاق 1
  • ایک مجلس میں تین طلاق دینے کا حکم

    یونیکوڈ   طلاق 0
  • واٹس اپ کی ریکارڈنگ کے ذریعے طلاق

    یونیکوڈ   انگلش   طلاق 4
  • بیوی کو ڈرانے کے لیے الفاظ طلاق بولنا

    یونیکوڈ   طلاق 2
  • وقوع طلاق کے لیے گواہ شرط ہے؟

    یونیکوڈ   طلاق 0
  • بیوی کی غیر موجودگی میں اس کی طرف نسبت کئے بغیر طلاق کا حکم

    یونیکوڈ   طلاق 0
  • بیوی کو طلاق کا مسئلہ سمجھاتے ہوئے الفاظ طلاق کہنے کا حکم

    یونیکوڈ   طلاق 1
  • یونین کونسل کی جانب سے پہلی طلاق کا نوٹس بھیجے جانے سے مزید وقوعِ طلاق کا حکم

    یونیکوڈ   طلاق 0
  • موبائل پر طلاق دینے کا حکم

    یونیکوڈ   طلاق 2
  • لفظِ " فارغ "سے طلاق واقع ہونے کا حکم

    یونیکوڈ   طلاق 4
  • بیوی نے کہا کہ "مہر دو اور جانے دو" جواب میں شوہر کا "ٹھیک ہے " کہنے کا حکم

    یونیکوڈ   طلاق 0
  • گھر والوں کی دباؤ میں آکر طلاق نامہ پر دستخط کرنے سے طلاق کا حکم

    یونیکوڈ   طلاق 2
Related Topics متعلقه موضوعات