اسپیڈ منی کے نام سے کسٹم والوں کو رقم دے کر مال خریدنا

السلام علیکم !
حضرت میں ٹوائیٹریز ( پرفیوم ، باڈی اسپرے ، ائیر فریشنرز، کیڑے مار اسپر کے اولیو آئل و غیره) مصنوعات امپورٹ کرتا ہوں ،اور مصنوعات کی اصلی قیمتِ خرید زیادہ ہوتی ہے ،اور اسپورٹ ڈکلیر قیمت کافی کم ہوتی ہے ،(وہ کسٹم وبیشن ڈیپارٹمنٹ نے بنائی ہے) اور یہ کام کرنے کی صورت میں کسٹم میں کچھ پیسے بھی دینے ہوتے ہیں ،جو سپیڈ منی کے نام سے مشہور ہیں , آپ بتائیں یہ صحیح ہے یا غلط؟ اور اگر ہم پیسے دے کر کام نہ کریں؟ تو یہ سب مال ہمار ے ریٹ سے کم قیمت پر مارکیٹوں میں ملتے ہیں اور کچھ اسمگل بھی ہوتے ہیں ,آپ مہربانی فرما کر اس کے بارے میں بتائیں ایسی صورت میں یہ جائز ہے یا ناجائز ؟

الجوابُ حامِدا ًو مُصلیِّا ً

صورتِ مسئولہ میں مذکورہ اشیاء مارکیٹ میں فروخت کر کے نفع کمانا تو جائز ہے، مگر اس کو لانے کے لئے اسپیڈ منی کے نام سے کسٹم والوں کو رقم دینا رشوت کے زمرے میں آتا ہے، جو شرعاً جائز نہیں اس سے احتراز لازم ہے۔

مأخَذُ الفَتوی

ففي الدر المختار: دفع النائبة والظلم عن نفسه أولى إلا إذا تحمل حصته باقيهم اھ (2/ 336)۔
و في حاشية ابن عابدين: (قوله: دفع النائبة والظلم عن نفسه أولى إلخ) النائبة ما ينوبه من جهة السلطان من حق أو باطل أو غيره (إلی قوله) فيه نظر فإن ما حرم أخذه حرم إعطاؤه كما في الأشباه أي إلا لضرورة فإذا كان الظالم لا بد من أخذه المال على كل حال لا يكون العاجز عن الدفع عن نفسه آثما بالإعطاء بخلاف القادر فإنه بإعطائه ما يحرم أخذه يكون معينا على الظلم باختياره تأمل اھ (2/ 336)-