انٹرنیٹ کے ذریعے خریدوفروخت کا حکم

محترم مفتی صاحب انٹرنیٹ پر خرید وفروخت کا کاوربار کیسا ہے؟ کیونکہ کوئی خریدار اس چیز کو صرف تصویر کے ذریعے ہی دیکھ سکتا ہے؟ اصل شکل میں نہیں دیکھ سکتے ہیں، اس کاروبار میں اکثر یہ ہوتا ہے کہ میں ایسی چیز بیچتا ہوں جو میرے پاس نہیں ہوتی، بلکہ جب کوئی بندہ مجھ سے خریدتا ہے اور مجھے پیسے دیتا ہے تو پھر میں ان پیسوں میں سے اپنا منافع رکھ کر کمپنی کو کہتا ہوں کہ فلاں آدمی کو (خریدنے والا آدمی اکثر کسی اور ملک یا کسی اور شہر سے ہوتا ہے اور اس کو کوئی چیز بغیر تصویر یا ویڈیو کے دکھانا ممکن بھی نہیں ہوتا) یہ چیز بھیج دو اور پھر کمپنی خریدنے والے آدمی کو میرے نام سے خریدی ہوئی چیز بھیج دیتا ہے، اس کو Dropshipping کہتے ہیں، تو کیا یہ کاروبار جائز ہے؟ Paypla جو کہ ایک آنلائن بینک ہے، اس کے ذریعے خرید وفروخت اور لین دین کرنا جائز ہے؟ بشرطیکہ سود نہ ہو، براہ مہربانی ان سوالات کے جوابات دے کر رہنمائی کریں، آپ کا شکر گزار رہوں گا؟

الجوابُ حامِدا ًو مُصلیِّا ً

واضح ہو کہ مروّجہ عام نیٹ بزنس میں چونکہ شرعی ضوابط کا لحاظ نہیں ہوتا جیسا کہ سوال میں بھی درج ہے ، اس لئے کہ اس میں یا تو ملکیت نہیں ہوتی یا کم از کم قبضہ تو عموماً نہیں ہوتا، اس لئے یہ کاروبار کرنا جائز نہیں اس لئے اس سے احتراز لازم ہے۔

مأخَذُ الفَتوی

کما فی الھندیۃ: ومن اشترى شيئا لم يره فالبيع جائز، وله الخيار إذا رآه، إن شاء أخذه بجميع الثمن "وإن شاء رده"الخ (3/34)۔
و فی رد المحتار : تحت(قوله وفسد بيع سمك لم يصد لو بالعرض إلخ) ظاهره أن الفاسد بيع السمك، وأنه يملك بالقبض. وفيه أن بيع ما ليس في ملكه باطل الخ (5/60)۔