آج میرے ساتھ عجیب بات ہو گئی ، میں نے ظہر کی فرض نماز ، امام کے ساتھ ادا کی ، تو جب میں سنت پڑھنے کے لۓ اٹھا ، تو باہر سے ایک بندہ آیا ، تو اس وقت میں نے نیت باندھ رکھی تھی اور وہ یہ سمجھا کہ یہ فرض پڑھ رہا ہے ، تو اس نے مجھے ہاتھ سے اشارہ دیا ، تو میں نے امامت کی ، لیکن میں نے نیت سنت کی باندھ رکھی تھی ، تو اس سے کوئی گناہ تو نہیں ہوگا یا وہ لوگ اس نماز کو دوبارہ پڑھیں؟
واضح رہے کہ سنت پڑھنے والے کی اقتداء میں فرض پڑھنے والے کی نماز ادا نہیں ہوتی ، لہٰذا مذکور صورت میں سائل کی اقتداء میں فرض نماز پڑھنے والے کی نماز ادا نہیں ہوئی ، اس پر اعادہ واجب ہے۔
كما في الدر المختار : (و) لا (مفترض بمتنفل و بمفترض فرضا آخر) لأن اتحاد الصلاتين شرط عندنا اھ (1/ 579)۔
و في الفتاویٰ الهندية : و لا اقتداء المفترض بالمتنقل (۱/ ۸۶)۔