طلاق کو کسی شخص کے اپنے ہاں آنے پرمعلق کرنا

کیا فرماتے ہیں مفتیانِ کرام اس مسئلہ کے بارے میں کہ ایک آدمی نے اپنے ایک دوسرے ساتھی سے یہ بات کہہ دی جو ان سے کافی دوری پر رہتا ہے ، جن کے در میان دو گھنٹوں سے لیکر تین گھنٹوں کی مسافت ہے، کہ "اگر آپ ہمارے پاس نہیں آئے تو میری بیوی مجھ پر ماں ہوگی ، اور طلاق ہو گی " ، اور اگر آپ نہیں آئے تو پھر میں آپ کے پاس آؤں گا، اور آپ کے بھائیوں کو بٹھاکر بات ان کے سامنے کر دوں گا ، اور وہ بندہ جس کو آنے کا کہا ہے وہ آگے سے فون پر مذکور شخص کو کہہ دے کہ میرے پاس مہمان ہے ، میں اس کو فارغ کر کے نکلتا ہوں اور وہ شخص مہمانوں کو فارغ کر کے نکل جائے ، مگر راستے میں گاڑی خراب ہو جائےاور گاڑی کو اکیلا چھوڑ نہیں سکتا، تو گاڑی کو دوسری گاڑی کے ساتھ باندھ کر واپس اپنے گھر میں چھوڑ دے ، اور دوسری گاڑی میں بیٹھ کر صبح دس بجے تک پہلے والا شخص جس نے بات کی تھی اس کے ساتھ ملاقات کرے ، اب آپ حضرات سے گزارش ہے کہ اس صورت میں طلاق واقع ہوئی ہے یا نہیں؟ قرآن و سنت کی روشنی میں جواب عنایت فرمائیں ، شکریہ۔

الجوابُ حامِدا ًو مُصلیِّا ً

سائل نے یہ وضاحت نہیں کی کہ طلاق کی قسم اٹھانے والے دوست نے دوسرے دوست کے کب تک نہ آنے پر طلاق کی قسم اٹھائی تھی ، تاہم اگر مطلقاً یہ جملہ بولا ہوجو سوال میں درج ہے اور اس کا دوست اگلے دن آکر ملا ہو تو قسم اٹھانے والے دوست کی بیوی پر کوئی طلاق واقع نہیں ہوئی ہے ، وہ حسبِ سابق میاں بیوی کی طرح زندگی بسر کر سکتے ہیں اور اگر سوال کی نوعیت کچھ اور ہو تو اس کی مکمل وضاحت کر کے دوبارہ حکم ِشرعی معلوم کر سکتے ہیں۔

مأخَذُ الفَتوی

کمافى الهندية : ‌وإذا ‌أضافه ‌إلى ‌الشرط وقع عقيب الشرط اتفاقا مثل أن يقول لامرأته: إن دخلت الدار فأنت طالق(420/1)