خواب میں حضور ﷺ کی زیارت کرنا

اسلام و علیکم
جناب گرازش ہے ایک عورت ذکر الھمہ صلے علی محمد و آل محمد کرتی ہے جو میں نے بتایا تھا دوران ذکر وہ سو جاتی ہے اور کہتی ہے رسولﷺ کی زیارت ہوتی ہے اور آپﷺ کی آنکھیں مبارک نیلی ہوتی ہیں اب وہ کہتی ہے کہ تم نے یہ کوی جادو بتایا ہے یہاں عرب متشدد عالم ہیں ان میں کسی نے کہا کہ یہ جادو ہے وہ رسولﷺ نہی تھے آپ راہنمای فرمایں کہ رسولﷺ تھے یا کوی جن تھا نعوذبااللہ
حضور میرا اسکا اسی جمعہ نکاح تھا لیکن اس نے یہ مسلہ کھڑا کر دیا
جواب کا شدت سے انتظار ہے

الجوابُ حامِدا ًو مُصلیِّا ً

واضح ہو کہ جس شخص نے حضوراقدس ﷺ کو خواب میں دیکھا اس نے یقیناً اورقطعا حضوراقدسﷺ ہی زیارت کی، کیونکہ روایات صحیحہ سے یہ بات ثابت اورمحقق ہے کہ شیطان کو اللہ تعالی نے یہ قدرت ہی عطاء نہیں فرمائی کہ وہ خواب میں آکرکسی طرح اپنےآپ کو نبی کریم ﷺ ہوناظاہر کرے، اس لئےسوال میں مذکورعالم دین کا دورد شریف کے ورد کو جادو اور اس خواب کو جادوکا اثرقراردیناقطعاغلط اورنامناسب فعل ہے۔ اس لئے سائل کو پریشانی ہونے کی ضرورت نہیں، اور اس کو بنیادبناکر اس خاتون کے ساتھ ہونے والے نکاح سے متعلق شکوک وشبہات میں مبتلاہونے سے بھی اجتناب لازم ہے۔

مأخَذُ الفَتوی

کمافی المرقاۃ: ومنع الشیطان أن یتصور فی خلقتہ لئلایکذب علی لسانہ فی النوم کماأجری اللہ سبحانہ العادۃ للانبیاء بالمعجزۃ فکمااستحال أن یتصور الشیطن فی صورتہ فی الیقظۃ ولووقع لاشتبہ الحق بالباطل ولم یوثق بماجاءبہ مخافۃ من ھذا التصویر، فحماھا اللہ تعالی من الشیطن ونزغہ ووسوستہ واغوائہ وکیدہ وکذا حمی رؤیاھم عنہ بالنوم اھ(ج:۸ ص:۳۸۲)