"تم نے اگر بال کاٹے تو میری بیوی نہیں" کہنےکا حکم

شوہر کا یہ بول دینا کہ تم نے بال کاٹے تو میری بیوی نہیں، تو کیا بال کاٹنے سے طلاق واقع ہو جائیگی ؟ میرے بال بہت لمبے ہیں، میرے لیے سنبھالنا مشکل ہے،نہ حفاظت ہے نہ خیال رکھا جاتاہے، اس بات کو تین سال سے زیادہ وقت ہو گیا، کیا حکم ہے اس بارے میں؟

الجوابُ حامِدا ًو مُصلیِّا ً

سائلہ نے سوال میں یہ وضاحت نہیں کی کہ مذکور الفاظ "اگر تم نے بال کاٹے" الخ سے سائلہ کے شوہر کی نیت کیا تھی؟ تاکہ اس کے مطابق جواب دیا جاتا، تاہم اگر مذکور الفاظ سے سائلہ کے شوہر کی نیت سائلہ کو طلاق دینے کی کی ہو ،تو ان الفاظ سے تعلیق طلاق منعقد نہ ہوگی، چنانچہ اب اگر سائلہ اپنے بالوں کو کاٹےگی تو اس پر کوئی طلاق واقع نہ ہوگی، البتہ اگر مذکور الفاظ سے سائلہ کے شوہر کی نیت طلاق دینے کی ہو تو ایسی صورت میں مذکور الفاظ سے ایک طلاق بائن معلق ہوچکی ہے، چنانچہ اب سائلہ اپنے بال کاٹےگی تو اس سے اس پر ایک طلاق بائن واقع ہو کر اس کا نکاح ختم ہو جائیگا، جس کے بعد سائلہ عدت گزار کر دوسری جگہ نکاح کرنے میں آزاد ہوگی اور سائلہ کے شوہر کو رجوع کرنے کا حق حاصل نہ ہوگا، تاہم اگر دونوں باہمی رضامندی سے دوبارہ ساتھ رہنا چاہیں تو اس کے لئے عدت کے دوران یا عدت گزر نے کے بعد گواہوں کی موجودگی میں نئے حق مہر کے تحقق کے ساتھ باقاعدہ ایجاب و قبول کے ذریعہ تجدید نکاح لازم ہوگا۔

مأخَذُ الفَتوی

كما في الهندية : واذا اضافه الى الشرط وقع عقيب الشرط اتفاقاً مثل أن يقول لامرأته ان دخلت الدار فأنت طالق اھ (ج ا، ڈ 420، ط: ماجدية)۔
وفيه أيضاً : ولو قال ما أنت لى بامرأة أو لیست لك بزوج ونوی الطلاق يقع عند ابي حنيفة رحمه الله تعالى وعندهما لا يقع الخ(ج1، ص 375)۔
وفيه أيضاً : ( واما حكمه فوقوع الفرقة بإنقضاء العدة وبدوعه في البائن الخ (ج۲ ص۱۹۱، ط: رشیدية)۔
وفى بدائع الصنائع : واما حكم الطلق البائن فالطلاق البائن نوعان : أحدهما الطلقات، والثاني الطلقة الواحدة البائنۃ ( الى قولة ) وزوال الملك أيضا حتى لا تحل له وطؤها الا بنکاح جدید (الی قوله) يحرم حرمة غليظة حتى يجوز له نكاحها من غيرأن تتزوج بزوج آخر، لأن ما دون الثلاثة وان كان بأئنا فانه يوجب زوال الملك لا زوال حل المحلية اهـ (ج3، ص 287، ط:سعید)۔