ٹک ٹاک اکاؤنٹ کی خرید و فروخت کا حکم

السلام علیکم و رحمۃ اللہ و برکاتہ!
کیا فرماتے ہیں مفتیانِ کرام اس مسئلہ کے بارے میں کہ میں ٹک ٹاک کے اکاؤنٹ بنا کر بیچتا ہوں اور اس سے تھوڑی بہت انکم ہو جاتی ہے ،جب میں ٹک ٹاک اکاؤنٹ سیل کرتا ہوں تو اس پر کوئی کنٹینٹ نہیں ہوتا ،کیا ٹک ٹاک اکاؤنٹ بنا کر بیچنا جائز ہے یا ناجائز ؟

الجوابُ حامِدا ًو مُصلیِّا ً

ٹک ٹاک سمیت کوئی بھی سوشل اکاؤنٹ کوئی عین نہیں، کہ جسے قیمۃً کسی اور پر فروخت کر کے اس کی قیمت وصول کرلی جائے، بلکہ اس طرح اکاؤنٹ کے استعمال کرنے کے حقوق دوسروں کی طرف منتقل کر کے اپنے حق سے دستبردای کے عوض رقم لی جاتی ہے لہذا سائل اگر بغیر کونٹینٹ کے صرف ٹک ٹاک اکاؤنٹ بنا کر لوگوں کو دیکر اس کےعوض رقم لیتا ہو تو سائل کی کمائی درست ہے، البتہ اگر سائل کو یقین یا غالب گمان کی حد تک معلوم ہو کہ لینے والا ٹک ٹاک اکاؤنٹ کو غلط اور ناجائز کاموں میں استعمال کرے گا تو ایسے شخص کو ٹک ٹاک اکاؤنٹ دینے سے بچنا چاہیئے ۔

مأخَذُ الفَتوی

کما فی تفسیر القرطبی: ومن الناس من یشتری لھو الحدیث لیضل عن سبیل اللہ بغیر علم ویتخذھا ھزوا أولئک لھم عذاب مھین (6)
فیہ خمسۃ مسائل: الأولی: قولہ تعالی (ومن الناس من یشتری لھو الحدیث) "من" فی موضع رفع البتداء و "لھو الحدیث" الغناء فی قول ابن مسعود و ابن عباس و غیرھما،۔ النحاس: و ھو ممنوع بالکتاب والسنۃ، والتقدیر: من یشتری ذا لھو أو ذات لھو، مثل: "سئل القریۃ" (1) ]یوسف: 82[ أو یکون التقدیر: لما کان إنما اشتراھا یشتریھا ویبالغ فی ثمنھا کأنہ اشتراھا للھو (2) قلت ھذھ إحدی الآیات الثلاث التی استدل بھا العلماء علی کراھۃ الغناء والمنع منہ اھ (14/51)
وفی الدر المختار: (لا تصح الإجارة لعسب التيس) وهو نزوه على الإناث (و) لا (لأجل المعاصي مثل الغناء والنوح والملاهي) اھ (کتاب الإجارۃ ج 6 صـ 55 ط: سعید)