علاج و دواء

ایگسوم تھراپی کے علاج کا حکم

فتوی نمبر :
87017
| تاریخ :
2025-10-01
معاشرت زندگی / علاج و معالجہ / علاج و دواء

ایگسوم تھراپی کے علاج کا حکم

السلام علیکم ورحمۃ اللہ وبرکاتہ

میرا سوال ایک جدید علاج کے بارے میں ہے جسے ایگسوم تھراپی (Exosome Therapy) کہا جاتا ہے۔

یہ علاج بالوں کے گرنے اور جلد کی کمزوری کو بہتر بنانے کے لئے استعمال کیا جاتا ہے۔

اس میں استعمال ہونے والا مادہ ایگسومز کہلاتا ہے، جو دراصل اسٹیم سیلز (Stem Cells) سے خارج ہونے والے نہایت باریک ذرات ہیں۔

یہ ایگسومز عموماً انسانی نال (Umbilical Cord – Wharton’s Jelly) یا نال کے بعد بچنے والے پردے (Placenta/Amniotic fluid) سے حاصل کیے جاتے ہیں۔

بچے کی پیدائش کے بعد نال اور پردہ عام طور پر ضائع کر دیا جاتا ہے، لیکن بعض اوقات والدین کی اجازت سے یہ میڈیکل تحقیق یا علاج کے لئے دیا جاتا ہے۔

ان ایگسومز میں کوئی جاندار خلیے یا ڈی این اے شامل نہیں ہوتا، بلکہ صرف پروٹین اور غذائی سگنلز ہوتے ہیں۔

اس علاج کا مقصد طبی اور معالجاتی ہے، یعنی بالوں کے جھڑنے کو کم کرنا اور جلد/کھوپڑی کو صحت مند بنانا۔

میرے سوالات درج ذیل ہیں:

کیا انسانی نال یا پردے سے حاصل کردہ یہ ایگسومز شرعاً حلال اور جائز ہیں؟

اگر ان کی تیاری کے دوران کسی قسم کے کیمیکل یا پریزرویٹیو (Preservatives/Enzymes) استعمال کیے جائیں تو کیا اس سے حکم بدل جائے گا؟

کیا اس علاج کا استعمال صرف جان لیوا بیماریوں میں جائز ہے یا بالوں کے علاج (جس سے نفسیاتی دباؤ کم ہوتا ہے) کے لئے بھی جائز ہوگا؟

براہِ کرم رہنمائی فرمائیں۔
جزاکم اللہ خیراً

الجوابُ حامِدا ًو مُصلیِّا ً

انسانی اجزاءیا جسم کاکوئی بھی حصہ چاہے وہ بظاہر بے کار ہی کیوں نہ معلوم ہو اس کو استعمال میں لانا انسانی تکریم کے خلاف ہونے کی وجہ سے جائز نہیں ،جس سے اجتناب کرنا لازم ہے ،اور بالخصوص جبکہ اس کا متبادل جائز علاج بھی موجود ہے۔ جہاں تک جان لیوا بیماری میں اس علاج کی بات ہے تو ایسی صورت میں جب کوئی ایسی ضروت پیش آجائے اس وقت اس کی تفصیل لکھ کر شرعی حکم معلوم کیا جاسکتاہے۔

مأخَذُ الفَتوی

الفتاوى الهندية (5 / 354):
الِانْتِفَاعُ بِأَجْزَاءِ الْآدَمِيِّ لَمْ يَجُزْ قِيلَ لِلنَّجَاسَةِ وَقِيلَ لِلْكَرَامَةِ هُوَ الصَّحِيحُ كَذَا فِي جَوَاهِرِ الْأَخْلَاطِيِّ
فتح القدير للكمال ابن الهمام (6 / 425):
(قوله ولا يجوز بيع شعر الإنسان) مع قولنا بطهارته (والانتفاع به؛ لأن الآدمي مكرم غير مبتذل فلا يجوز أن يكون شيء من أجزائه مهانا ومبتذلا) وفي بيعه إهانة، وكذا في امتهانه بالانتفاع، وقد قال - صلى الله عليه وسلم - فيما ثبت عنه في الصحيحين «لعن الله الواصلة والمستوصلة والواشمة والمستوشمة» ، فالواصلة هي التي تصل الشعر بشعر النساء، والمستوصلة المعمول بها بإذنها ورضاها، وهذا اللعن للانتفاع بما لا يحل الانتفاع به؛ ألا ترى أنه رخص في اتخاذ القراميل وهو ما يتخذ من الوبر ليزيد في قرون النساء للتكثير، فظهر أن اللعن ليس للتكثير مع عدم الكثرة وإلا لمنع القراميل، ولا شك أن الزينة حلال، قال الله تعالى {قل من حرم زينة الله التي أخرج لعباده} [الأعراف: 32] فلولا لزوم الإهانة بالاستعمال لحل وصلها بشعور النساء أيضا

واللہ تعالی اعلم بالصواب
مفتی محمد افنان عُفی عنه
دار الافتاء جامعه بنوریه عالمیه
فتوی نمبر 87017کی تصدیق کریں
0     14
Related Fatawa متعلقه فتاوی
  • حجامہ کروانا کیسا ہے ؟ مفتی زرولی خان صاحب کا کہنا ہے کہ یہ متروک سنت ہے

    یونیکوڈ   اسکین   علاج و دواء 6
  • عورت کا نوکری کرنا کن شرائط کے ساتھ جائز ہے؟

    یونیکوڈ   اسکین   علاج و دواء 1
  • بطورعلاج شراب کا استعمال جائز ہے؟

    یونیکوڈ   اسکین   علاج و دواء 0
  • 19 ہفتے کی حمل کو طبی وجوہات کی بناء پر ضائع کرنا

    یونیکوڈ   اسکین   علاج و دواء 0
  • عرق النساء کا علاج ، طبِ نبوی سے

    یونیکوڈ   علاج و دواء 0
  • کیا دانتوں کی فلنگ کروانا جائز ہے

    یونیکوڈ   علاج و دواء 1
  • چار ماہ سے قبل حمل گرانے کا حکم

    یونیکوڈ   علاج و دواء 0
  • عورت کے پستان کو اور مرد کے عضو خاص کو بڑھانے کے لیے دواء یا کریم استعمال کرنے کا حکم

    یونیکوڈ   علاج و دواء 0
  • پچھنے(حجامہ)لگوانے کیلۓ مستحب ایام

    یونیکوڈ   علاج و دواء 0
  • Bone Marroz یعنی ایک انسان کی ہڈی کے اندر کا گودا ،کسی مریض کی Vein میں داخل کرنا

    یونیکوڈ   علاج و دواء 0
  • ادارے کے ڈاکٹر کا مریضوں کو مفت ٹیسٹ کے بجائے پرائیویٹ ٹیسٹ کی ترغیب دینے کا حکم

    یونیکوڈ   علاج و دواء 0
  • مرد و خواتین کے مخلوط علاج والے ہسپتال میں ملازمت کا حکم

    یونیکوڈ   علاج و دواء 0
  • گھریلو ناراضگیاں دور کرنے کے لئے وظیفہ

    یونیکوڈ   علاج و دواء 0
  • اسکن فلر ، بوٹوکس اور اسٹیم سیل لگانےکا حکم

    یونیکوڈ   علاج و دواء 0
  • حمل کے متعلق بیماری کامعلوم ہونے پر حمل ساقط کرنا

    یونیکوڈ   علاج و دواء 0
  • اولاد نہ ہونے کی صورت میں ڈاکٹر سے چیک کروانا

    یونیکوڈ   علاج و دواء 0
  • نفسیاتی مریض کا کیا حکم ہے؟

    یونیکوڈ   علاج و دواء 0
  • کمپنی کے ملازمین کا علاج معالجہ کے لیے میڈیکل انشورنس کارڈ کی سہولیت استعمال کرنا

    یونیکوڈ   علاج و دواء 0
  • جوانی میں بال سفید ہوجائیں تو سیاہ کرنے کا حکم

    یونیکوڈ   علاج و دواء 0
  • عورت کے لیے نامحرم مردوں کے دانتوں علاج کرنے کا حکم

    یونیکوڈ   علاج و دواء 0
  • ڈاکٹرز کا کمیشن کی خاطر غیر ضروری ٹیسٹ لکھوانے کا حکم

    یونیکوڈ   علاج و دواء 0
  • وہم کا علاج

    یونیکوڈ   علاج و دواء 0
  • بیمار آدمی کے کاٹے ہوئے عضو کا کیا کیاجائے؟

    یونیکوڈ   علاج و دواء 0
  • بچوں کو حفاظتی ٹیکہ لگوانا کیساہے

    یونیکوڈ   علاج و دواء 1
  • آنکھوں کے گرد سیاہ دھبوں کو ٹریٹمنٹ کی ذریعہ ختم کروانا کیسا ہے؟

    یونیکوڈ   علاج و دواء 0
Related Topics متعلقه موضوعات