"اگر تمہارے بیٹے نے کہیں اور شادی کی تو ،تو میری طرف سے آزاد ہے"کہنے کا حکم

شوہر نے بیوی کو کہا تھا کہ اگر تمہارے بیٹے نے کہی اور شادی کی تو میری طرف سے آزاد ہو، اور یہ الفاظ اس نے 3 بار بولے ہیں ،اب اگر اس کا بیٹا شادی کرتا ہے تو کیا اس کی ماں کو طلاق ہو جائے گی یا نہیں ؟

الجوابُ حامِدا ًو مُصلیِّا ً

واضح ہو کہ "آزاد ہو" کا جملہ ہمارے عرف میں صریح طلاق کے لئے ہی استعمال ہوتا ہے ، اور طلاق کی نیت کیے بغیر بھی اس سے طلاق واقع ہو جاتی ہے، چنانچہ جب شوہر نے اپنی بیوی کو مذکور الفاظ" اگر تمہارے بیٹے نے کہیں اور شادی کی تو میری طرف سے آزاد ہو" تین مرتبہ کہہ دیے تو اس سے تین طلاقیں معلق ہو چکی ہیں اب اگر بیٹا والد کے متعین کر دہ جگہ ( جس کی وجہ سے والد نے طلاق معلق کی ہے) کے علاوہ کسی اور جگہ شادی کر لیتا ہے تو شادی کرتے ہی اس کی والد ہ پر تینوں طلاقیں واقع ہو کر حرمتِ مغلظہ ثابت ہو جائے گی ،جس کے بعد رجوع نہیں ہو سکتا اور نہ ہی حلالۂ شرعیہ کے بغیر دوبارہ با ہم عقدِ نکا ح ہوسکتا ،جبکہ عورت ایامِ عدت کے بعد دوسری جگہ نکاح کرنے میں بھی آزاد ہوگی ۔

مأخَذُ الفَتوی

کما فی ردالمحتار: تحت (قولہ: فیقع بلانیۃ للعرف) ای فیکون صریحا لا کنایۃ بدلیل عدم اشتراط النیۃ الخ (کتاب الطلاق ج: 3، ص : ـ252، ط: سعید)۔
و فیہ أیضاً: بخلاف فارسية قوله سرحتك وهو " رهاء كردم " لأنه صار صريحا في العرف على ما صرح به نجم الزاهدي الخوارزمي في شرح القدوري اهـ (إلی قولہ) فإن سرحتك كناية لكنه في عرف الفرس غلب استعماله في الصريح فإذا قال " رهاكردم " أي سرحتك يقع به الرجعي مع أن أصله كناية أيضا الخ ( باب الکنایات، ج: 3، ص: 299، ط: سعید )۔
و فی الھندیۃ: و إذا اضافہ الی الشرط وقع عقیب الشرط اتفاقاً الخ ( الفصل الثالث فی تعلیق الطلاق، ج: 1، ص: 420، ط: ماجدیۃ )۔
و فی البدائع: و اما الطلقات الثلاث فحکمھا الاصلی ھو زوال الملک، وزوال حل المحلیۃ ایضا حتی لایجوز لہ نکاحھا قبل التزوج بزوج خر، لقولہ عز و جل (فان طلقھا فلا تحل لہ من بعد حتی تنکح زوجا غیرہ سواء طلقھا ثلاثا متفرقا أو جملۃ واحدۃ الخ (فصل فی حکم الطلاق البائن، ج: 3، ص: 187، ط: ماجدیۃ)۔