بیٹے کے حصول کیلئےIVF کے ذریعہ علاج کروانا

۔I am blessed with three daughters. I want a son can go for IVF prossess in which we can select genderمجھے تین بیٹیوں سے نوازا ہے۔ میں چاہتا ہوں کہ ایک بیٹا IVF کے لیے جا سکے جس میں ہم جنس کا انتخاب کر سکیں کیا یہ جائز ہے ؟

الجوابُ حامِدا ًو مُصلیِّا ً

واضح ہو کہ ٹیسٹ ٹیوب بے بی کے ذریعے حصولِ اولاد کے جتنے طرق رائج ہیں اُن سب میں سے سخت مجبوری کے تحت صرف ایک طریقہ کی گنجائش معلوم ہوتی ہے ، وہ یہ کہ مادۂ منویہ اپنے زندہ شوہر کا ہو اور پھر شوہر اور بیوی کے نطفے کا باہم اختلاط کر کے یہ ٹیوب بیوی کے رحم میں رکھ دی جائے جہاں وہ حمل پرورش پائے ، اور یہ عمل خود بیوی یا اس کے شوہر یا کسی ماہر معالج عورت سے کرایا جائے اور اس دوران ستر و حجاب کا پورا خیال رکھا جائے کہ ضرورت سے زیادہ ہرگز نہ کھولا جائے ، لہٰذا سائل اور اس کی بیوی اگر نرینہ اولاد کے حصول کے لیے اس طریقہ کار کو اختیار کرے ، تو شرعاً اس کی گنجائش معلوم ہوتی ہے ، اس کے علاوہ باقی طریقے غیر فطری ہونے کے ساتھ غیر شرعی بھی ہیں ، جن سے احتراز لازم ہے۔

مأخَذُ الفَتوی

کما فی سنن ابی داؤد : قال رسول اللہ صلی اللہ علیہ و سلم : لا يحل لامرئ يؤمن بالله و اليوم الآخر أن يسقى ماءه زرع غیرہ اھ (293/1)
و في الفقه الاسلامى : التلقيح الصناعي : هو استدخال المنى لرحم المرأة بدون جماع ، فان كان بماء الرجل لزوجته جاز شرعاً ، اذ لا محدود فيه بل قد يندب اذا كان هناك مانع شرعى من الاتصال الجنسي اھ (559/3)