معلق طلاق کی ایک صورت کا حکم

السلام علیکم !میری شادی کے ایک سال بعد بیٹی پیدا ہوئی اور اس کے 6 ماہ بعد بیوی کو دوباراہ سے حمل ہو گیا جس کے میں خلاف تھا کہ بچی 3 سال کی ہو جائے بعد میں دوسرا بچہ ہو حمل کی علامات پر میں نے بیوی کو حمل روکنے کی گولی کھانے کو کہا لیکن وہ نہ مانی مین نے غصے میں اسے کہا "جس دن یہ بچہ پیدا ہوا اس دن تجھے 1 طلاق دیتا ہوں " اب یہ طلاق ہوئی کہ نہیں ؟

الجوابُ حامِدا ًو مُصلیِّا ً

صورتِ مسئولہ میں سوال میں مذکور جملے "جس دن یہ بچہ پیدا ہوا اس دن تجھے 1 طلاق دیتا ہوں"سے تعلیقِ طلاق منعقد ہو چکی ہے، تاہم فی الحال طلاق واقع نہیں ہوگی۔ لیکن جس دن بچہ پیدا ہوگا، اس دن سائل کی بیوی پر ایک طلاقِ رجعی واقع ہو جائے گی، جسکے بعد میں سائل کو دورانِ عدت رجوع کرنے کا اختیار حاصل ہوگا۔ لیکن اگر سائل نے عدت میں رجوع نہ کیا تو عدت گزرنے کے بعد دوبارہ ساتھ رہنے کے لیے تجدیدِ نکاح لازم ہوگا، بہر دو صورت آئندہ کے لیے سائل کے پاس فقط دو (2) طلاقوں کا اختیار ہوگا۔ اس لئے سائل کو طلاق کے معاملے میں احتیاط سے کام لینا چاہئے۔

مأخَذُ الفَتوی

کمافی الھندیۃ: واذا اضافہ الی الشرط وقع عقیب الشرط اتفاقا مثل: ان یقول لامراتہ ان دخلت الدار فانت طالق الخ (کتاب الطلاق، الفصل الثالث فی تعلیق الطلاق بکلمۃ ان واذا وغیر ھما،ج:1، ص:ـ420،ط: ماجدیۃ)
و فی المبسوط للسرخسي :(قال): وإن قال: إذا ولدت ولدا، فأنت طالق فأسقطت سقطا مستبين الخلق أو بعض الخلق طلقت؛ لأن مثل هذا السقط ولد، ألا ترى أن العدة تنقضي به، وتصير الجارية أم ولد له، ولو لم يستبن شيء من خلقه، لم يقع به طلاق؛ لأنه ليس بولد في حكم العدة وثبوت أمية الولد، فكذلك في حكم الطلاق.اھ( باب من الطلاق،ج:6،ص:105،-ط:دار امعرفۃ)
و فی الفتاوى الهندية:إن قال: إذا ولدت فأنت طالق فولدت ولدا ميتا طلقت كذا في الجوهرة النيرة.
قال الحاكم في الكافي: إذا قال لها: إذا ولدت فأنت طالق فأسقطت سقطا قد استبان بعض خلقه طلقت فإن لم يستبن خلقه لم يقع به الطلاق كذا في غاية البيان.اھ(الفصل الثالث في تعليق الطلاق بكلمة إن وإذا وغيرهما،ج:1،ص:424،ط:المطبعة الكبرى الأميرية)