کسی کے شر سے محفوظ رہنے کے لئے وظیفہ

السلام علیکم و رحمۃ اللہ! ہمارے محلے کے ایک اوباش لڑکے نے ہماری بہن کا رشتہ مانگا، لیکن ہم نے انکار کر دیا، اب ہمیں بد نام کرنے کی ہر ممکن سازش کر رہا ہے اور کسی کی نصیحت نہیں مانتا، ایک مولوی نے ہمیں بتایا کہ ہمارے مخالفین میں سے کسی عورت نے اس اوباش لڑکے کو ہمارے خلاف بھڑکانے کے لئے اس پر عملیات کیے ہیں، برائے مہربانی کوئی حل بتائیں، تاکہ اس لڑکے کے شر سے نجات حاصل ہو۔شکریہ!

الجوابُ حامِدا ًو مُصلیِّا ً

جب تک صحیح صورتِ حال کا علم نہ ہو، تو محض ایک مولوی صاحب کے کہنے پر کسی پر بد گمانی نہیں کرنی چاہیئے، البتہ اُس اوباش لڑکے کے شر سے محفوظ رہنے کے لئے ان دو آیاتِ مبارکہ کو کثرت سے پڑھا کریں ، ان شاء الله اُس کے شر سے حفاظت نصیب ہوگی۔
”((إِنِّي تَوَكَّلْتُ عَلَى اللَّهِ رَبِّي وَرَبِّكُمْ مَا مِنْ دَابَّةٍ إِلَّا هُوَ آخِذٌ بِنَاصِيَتِهَا إِنَّ رَبِّي عَلَى صِرَاطٍ مُسْتَقِيمٍ{،}فَإِنْ تَوَلَّوْا فَقَدْ أَبْلَغْتُكُمْ مَا أُرْسِلْتُ بِهِ إِلَيْكُمْ وَيَسْتَخْلِفُ رَبِّي قَوْمًا غَيْرَكُمْ وَلَا تَضُرُّونَهُ شَيْئًا إِنَّ رَبِّي عَلَى كُلِّ شَيْءٍ حَفیظٌ))“(ھود:۵۶،۵۷)