لفظِ "اطلاق" کی جگہ غلطی سے لفظِ طلاق لکھت میں آگیا تو کیا حکم ہوگا ؟

موبائل سیم سنگ میں اردو لکھنے کی سہولت ہے لیکن چونکہ یہ سہولت ابھی نئی ہے اس وجہ سے اس کی اردو لکھنے کی اپلیکیشن میں ذخیرہ الفاظ کی تعداد کم ہے - ایک دفعہ بندہ مسیج کرتے ہوئے لکھ رہا تھا کہ اس قانون کا اطلاق پاکستان میں نہیں برطانیہ میں ہوتا ہے موبائل فون Auto Correct کی ایپلی کیشن نے لفظ اطلاق کو غلط سمجھ کر اسے لفظ طلاق بنا دیا گیا اس طرح سے ہونے سے طلاق واقع ہو گی جبکہ بندہ لفظ اطلاق لکھ رہا تھا ۔

الجوابُ حامِدا ًو مُصلیِّا ً

سائل کا بیان اگر واقعۃْ درست اور مبنی بر حقیقت ہو اس میں کسی طرح کی غلط بیانی اور دروغ گوئی سے کام نہ لیا ہو اس طور پر کہ سائل کسی دوسرے مضمون میں لفظ " اطلاق " لکھنا چا ہتا تھا مگر اس میں الف کے حذف ہونے سے طلاق لکھ گیا ہو تو اس سے اس کی بیوی پر کوئی طلاق واقع نہیں ہوئی وہ حسبِ سابق میاں بیوی کی طرح زندگی گزار سکتے ہیں، تاہم اگر سوال کی نوعیت کچھ اور ہو تو اس کی مکمل وضاحت کر کے دوبارہ حکمِ شرعی معلوم کر سکتے ہیں۔

مأخَذُ الفَتوی

کمافى المبسوط للسرخسي : (الثاني) أن يكتبَ طَلَاقَ امْرَأَتِهِ عَلَى مَا يَتَبَيَّنَ فِيهِ الخط، ولكن لا عَلَى رَسم كتب الرِّسَالَةِ فَهذا يَنْوِي فِيهِ: لِأَنَّ مِثْلَ هَذِهِ الكتابة قد تكون للإيقاع، وقد تكون لتجربة الخط، وَالْقَلَمِ، وَالْبَيَاضِ، وَفِيهِ يسوي كما في الألفاظ التي تشبه الطلاق، فإن كَانَ صَحِيحًا تَبِينُ نِيَّتُهُ بلسانه (جلد6 صفحه (143)
وفي الفتاوى الهندية : إن كَانَتْ مُسْتَبِينَةً لَكِنهَا غَيْرُ مَرْسُومَةٍ إِنْ نَوَى الطَّلَاقَ يقع وإلا فلا (جلد 1 صفحه (378)