بستر پر پیشاب کرنے کی عادت سے نجات کا وظیفہ

(1)مفتی صاحب ! میری بھتیجی کی عمر سات سال ہے، پر وہ بستر پر پیشاب کی عادت نہیں چھوڑ رہی،مختلف طریقے استعمال کیے، مگر کوئی فرق نہیں پڑا ، اب اس کا قرآن و سنت میں کیا علاج ہے ؟
(2) میں نے رمضان میں ایک خواب دن کے وقت یہ دیکھا کہ ”جنید جمشیدشہید “ کو ہمارے گاؤں میں بلایا گیا ہے،پر وہ نعت کے بجائے گانا گا رہے ہیں۔

الجوابُ حامِدا ًو مُصلیِّا ً

(1)درج ذیل آیاتِ شفاء کو لکھ کر تعویذ بنا کر مریض کے گلے میں ڈال دیں، یا پلیٹ میں لکھ کر پانی سےدھلوا کر وہ پانی مریض کو پلا دیں ، ان شاء اللہ تعالیٰ اس سے فائدہ ہوگا :”(وَيَشْفِ صُدُورَ قَوْمٍ مُّؤْمِنِينَ) (وَشِفَاءٌ لِّمَا فی الصُّدُورِ) (يَخْرُجُ مِنْ بُطُونِهَا شَرَابٌ مُخْتَلِفٌ أَلْوَانُهُ فیهِ شِفَاءٌ لِلنَّاسِ) (وَنُنَزِّلُ مِنَ الْقُرْآنِ مَا هُوَ شِفَاءٌ وَرَحْمَةٌ لِّلْمُؤْمِنِينَ) (وَإِذَا مَرِضْتُ فَهُوَ يَشْفین) (قُلْ هُوَ لِلَّذِينَ آمَنُوا هُدًى وَشِفَاء)“ (اعمال قرآنی/34)۔
(2) خواب میں مہمان کو رقص و سرور کی محفل میں دیکھنا ،خواب دیکھنے والے کو برے اعمال سے تو بہ کی طرف متوجہ کرنے کے لیے ہے ، لہٰذا سائل کو فرائض کے اہتمام کے ساتھ توبہ و استغفار کا بھی خصوصی اہتمام کرنا چاہیئے۔