شیخ فانی - عمرہ رسیدہ شخص روزہ رکھنے کے بجائے فدیہ دے سکتاہے؟

جیسا کہ آپ جانتے ہیں کہ رمضان کا مہینہ چل رہا ہے ، لیکن بڑھاپے اور بیماری کی وجہ سے میرے دادا، داددی روزہ نہیں رکھ سکتے، اس لئے وہ فدیہ ادا کرنا چاہتے ہیں، کیا آپ مجھے بتائیں گے کہ وہ دونوں کتنے روپے ادا کریں گے؟ کتنا فدیہ دینا فرض ہے؟ جتنا جلدی ہوسکے اتنا جلدی جواب دے دیں۔

الجوابُ حامِدا ًو مُصلیِّا ً

سائل کی دادی، دادا بیماری یا بڑھاپے کی وجہ سے روزے رکھنے پر قادر نہ ہوں اور آئندہ بھی صحت کی اُمید نہ ہو تو ایسی صورت میں وہ روزوں کا فدیہ ادا کرسکتے ہیں، جبکہ روزوں کا فدیہ یہ ہے کہ ہر روزہ کے بدلے صدقہ فطر کے بقدر نصف صاع گندم (جس کا وزن اندازاً دو کلو ہے) یا اس کی قیمت کسی مستحق زکوٰۃ کو دیدے۔