اسلامی بینکاری
اسلامی بینکاری پر دو اعتراضات کا جواب
فتوی نمبر : 46855
اسلامی بینکاری پر دو اعتراضات کا جواب
جدید فقہی مسائل / بینکاری / اسلامی بینکاری
اسلامی بینکاری پر دو اعتراضات کا جواب
جو علماء اسلامی بینکاری کی اجازت نہیں دیتے ان کے مطابق دو و جوہات ہیں:(1) بیک وقت دو عقد منع ہیں، ایک بیع اور دوسرا اجارہ (2) التزامِ صدقہ کی شرط کی وجہ سے اسلامک بینک سے گھر یا گاڑی نہیں لے سکتے؟ ازراہِ شریعت وضاحت فرمائیں، والسلام۔
الجوابُ حامِدا ًو مُصلیِّا ً
سائل نے سوال میں اس بات کی وضاحت نہیں کی کہ وہ اس حوالے سے کیا معلوم کرنا چاہتا ہے، تا کہ اس کے مطابق جواب دیا جاتا، تاہم ایک معاملہ میں بیک وقت دو عقد جمع کرنا کسی کے نزدیک بھی جائز نہیں، اس لئے جہاں کہیں بھی ایک معاملہ میں عملاً دو عقد ایک ساتھ جمع کیے جائیں، تو یہ صورت شرعاً جائز نہ ہوگی، البتہ ہماری معلومات کے مطابق غیر سودی بینک مستند مفتیانِ کرام کے زیر نگرانی اپنے معاملات سرانجام دیتے ہیں، ان میں غیر شرعی عقود سے اجتناب کیا جاتا ہے، اس لئے ان کے ساتھ لین دین کرنے کی شرعاً گنجائش ہے، تاہم اگر سائل کو کسی خاص صورت کے متعلق کوئی اشکال ہو تو اس کی وضاحت کر کے حکم شرعی معلوم کیا جاسکتا ہے۔
Related Fatawa متعلقه فتاوی
Related Topics متعلقه موضوعات
-
132اسلامی بینکاریIslamic Banking
-
106مروجہ بینکاریConventional Banking
-
41بینک کی ملازمتBank Jobs
-
21کریڈٹ کارڈCredit Card