بعد سلام عرض ہے کہ میری والدہ کھانا پکارہی تھیں تو ان کا چہرہ جل گیا تھا، فوراً ہسپتال لے جائی گئیں اور ڈاکٹروں نے دوائیاں اور لگانے کیلئے ایک کریم دی، اب طبیعت کچھ بہتر ہے لیکن ان کا کہنا ہے کہ آنکھیں کافی درد کررہی ہیں، اگرچہ دوائی استعمال کررہی ہیں لیکن پڑھنے کیلئے کوئی وظیفہ بھی طلب کررہی ہیں، براہِ کرم کوئی وظیفہ مناسب ارسال فرمائیں تاکہ جلد ہی صحت یاب ہوجائیں۔
سائلہ کی والدہ کو چاہئے کہ وہ دوائیوں کے استعمال کے ساتھ درجِ ذیل دعا کو بھی کثرت سے پڑھ کر دم کیا کریں، ہماری بھی دعا ہے کہ رب کریم انہیں صحت کاملہ عطا فرمائے۔
اللّٰہم متعنی ببصری واجعلہ الوارث منی وارنی فی العدوثاری وانصرنی علی من ظلمنی۔ اھـ (از حصن حصین: ص۲۸۹)