طلاق
رخصتی سے قبل طلاق دینے کا حکم
فتوی نمبر : 62563
رخصتی سے قبل طلاق دینے کا حکم
معاملات / احکام طلاق / طلاق
رخصتی سے قبل طلاق دینے کا حکم
خلوت صحیحہ سے کیا مراد ہے؟
نکاح کے بعد جب کہ ابھی باقاعدہ رخصتی نہیں ہوئی, میاں بیوی کا ایک دوسرے کو ویڈیو کال کے ذریعے دیکھنا اور باتیں کرنا ، کیا یہ بھی خلوت صحیحہ میں آتا ہے؟
رخصتی سے پہلے ہی ویڈیو پر بات کرتے ہوئے طلاق دے دی جائے ، تو کیا نکاح اسی وقت ختم ہوگیا اور اگر تین دفعہ طلاق کہی گئی ، تو یہ تین تصور ہونگی یا ایک ہی تصور ہوگی ؟ رجوع کی کیا صورت ہوسکتی ہے۔ برائے کرم تفصیلی رہنمائی فرمائیں !شکریہ!
الجوابُ حامِدا ًو مُصلیِّا ً
خلوت صحیحہ سے مراد یہ ہےکہ شادی کے بعد میاں بیوی دونوں کسی ایسی تنہائی میں ملے ہوں ، جہاں ہمبستری کرنے سے کوئی چیز مانع نہ ہو،لہذا اگر سائلہ اور اس کے شوہر ابھی تک اس طرح نہ ملے ہوں ، فقط ویڈیو کال پر بات کی ہوں ، تو یہ خلوت صحیحہ شمار نہ ہوگی ،چنانچہ سائلہ کے شوہر نے اگر الگ الگ جملوں سے سائلہ کو طلاق دی ہو ، تو اس سے سائلہ پر ایک طلاق بائن واقع ہوچکی ہے،اب اگر سائلہ اور اس کا شوہر دوبارہ ایک ساتھ میاں بیوی کی طرح رہنا چاہیں ، تو باقاعدہ گواہان کی موجودگی میں نئے حق مہر کے تقرر کے ساتھ تجدید نکاح کرکے ایک ساتھ رہ سکتے ہیں، لیکن آئندہ کے لئے شوہر کو صرف دو طلاقوں کا اختیار ہوگا،اس لئے طلاق کے معاملہ میں خوب احتیاط چاہیئے۔واللہ اعلم
محمد ابو بکر سعید عُفی عنه
دار الافتاء جامعه بنوریه عالمیه
فتوی نمبر 62563کی تصدیق کریں
Related Fatawa متعلقه فتاوی
Related Topics متعلقه موضوعات
-
1171طلاقDivorce
-
205خلعKhula
-
166حلالہ اور طلاق مغلظہHalala and Irrevocable Divorce
-
144طلاق معلقہConditional Divorce
-
56رجوع طلاقRevocation of Divorce
-
54حرمت مصاهرتThe sanctity of affinity
-
36تفریق و تنسیخSeparation and Invalidation
-
12تفویض طلاقDelegating the Right to Divorce
-
4زوجہ مفقودMissing Man Wife
-
3تیممTayammum