والدہ اور خالہ سے چھپ کر بچوں کو کوئی چیز کھلانے کا حکم

السلام علیکم ورحمۃ اللہ وبرکاتہ! جناب ہم دو بھائی ہیں، دونوں کا گھر اور قیام و طعام مطلب کھانا پینا الگ ہے، ماں اور میری غیر شادی شدہ خالہ کھانا میرے گھر میں کھاتی ہیں، جب میں اپنے بچوں کے لئے گوشت یا پھل وغیرہ لاتا ہوں تو میری خالہ اس وجہ سے نہ گوشت کھاتی ہے اور نہ پھل کہ جتنا اپنے گھر کے لئے لاتے ہو اتنی مقدار میں اپنے بھائی کے گھر بھی بھیج دو، اور لڑائی کرتی ہے، حالانکہ ہم دونوں ملازم ہیں، کیا اگر میں اپنے بچوں کو خالہ اور ماں سے چھپ کے اور خفیہ طور پر کچھ کھلاؤں تو خالہ اور ماں کی حق تلفی تو نہیں ہوگی ؟ یا کوئی متبادل طریقہ بتائیں۔

الجوابُ حامِدا ًو مُصلیِّا ً

سائل پر اپنے بیوی بچوں کا نان نفقہ شرعاً لازم ہے، بھابھی اور بھتیجے بھتیجیوں کا نان نفقہ شرعاً لازم نہیں، لہذا سائل کی خالہ کا بلاوجہ لڑائی کر کے گھر کا ماحول خراب کرنا درست نہیں ،بلکہ اس سے انہیں اجتناب لازم ہے، البتہ اگر استطاعت ہو تو ان کے ہاں بھیج دیا کرے یہ بھی باعث ثواب ہے، لیکن ایسا کرنا سائل پر لازم نہیں۔

مأخَذُ الفَتوی